“Mən bütün Gürcüstanı təbrik etmək istəyirəm, çünki bilirəm ki, bu gün hamı xoşbəxtdir, inanan da, inanmayan da, az inanan da, bu gün hamı xoşbəxtdir, çünki hamı bilir ki, bu bizim gələcəyimizdir və biz bu gələcəyə doğru çox böyük, ciddi addım atmışıq”, - prezident Salome Zurabişvili Gürcüstana Aİ-yə namizəd ölkə statusunun verilməsi ilə bağlı bildirib.
Əsas xəbərlər
Prezident Avropa İttifaqı Şurasının prezidenti Şarl Mişelə diplomatik səylərinə və gürcü xalqının birliyinə görə təşəkkür edib.
“Gürcü xalqına təşəkkür edirəm, çünki gürcü xalqı olmasa idi, bu, böyük nailiyyət olmazdı, bu, bizim hamımızın birgə nailiyyətidir. Bunlar birlikdə olmaq və həmrəy olmaq üçün sözlər deyil. Düzdür, biz birlikdə olmasa idik, nə müstəqillik əldə edə, nə bu gün bu nəaliyyətə çata, nə də sabah Avropa İttifaqına daxil ola bilməzdik.
Bunu başa düşməsək, belə tarixi günlərdə anlayırıq və sonra yenə unuduruq. Biz hər gün tam başa düşməliyik və sərf etməliyik, mən deyərdim ki, birlik, birlik bizim ən böyük gücümüzdür, bizim başqa böyük gücümüz yoxdur. Bu, nəyəsə nail olacaq ən böyük qüvvədir və belə də görünür, çünki bizim buna bu qədər tez nail olacağımızı heç kim proqnozlaşdıra bilməzdi. Biz ümumiyyətlə çox şeyi arzulayırıq, lakin nailiyyətlər o qədər də asan, tez əldə olunmur və bu, çox böyük nailiyyətdir. Bu gün buna birlikdə nail olduğumuzu deyən hamımızın üzərinə böyük məsuliyyət düşür”, - Salome Zurabişvili bildirib.
Prezident Avropa Şurasının dünənki qərarı nəticəsində Avropa İttifaqına daxil olmaq üçün danışıqlara başlayacaq Ukrayna və Moldova haqqında da danışıb.
“Ukrayna prezidentinə təşəkkür etmək istəyirəm, indicə Volodimir Zelenski ilə danışdım və bu, onun xalqına böyük rəğbətdir, çünki bizim digər mənada tam layiq olduğumuz bu sürətləndirilmiş proses, bu gün Brüsseldə baş verən bu sürətləndirilmiş proses, Ukrayna xalqının mübarizəsi, fədakarlığı və bu iki illik amansız müharibəsi olmasa idi, olmazdı, biz buna böyük minnətdarlıq bildirməliyik, gürcülər olaraq bizim borcumuzdur, əgər gürcü olmağın nə demək olduğunu biliriksə.
Bu müddət ərzində ən böyük hücumlara, ən böyük çətinliklərə tab gətirən, lakin ölkəsini heç kimin inanmadığı yerə gətirməyi bacaran bu günün ən güclü qadını Maya Sandunu da təbrik etmək istəyirəm”, - Salome Zurabişvili bildirib və əlavə edib ki, Ukrayna, Moldova və Gürcüstan azadlıq, Avropa və Avropa dəyərləri uğrunda mübarizənin nə demək olduğunu göstərən nümunələrdir.
Prezident Gürcüstana namizəd statusunun verilməsi ilə bağlı baş nazir İrakli Ğaribaşvilinin təşəbbüsü ilə bu gün saat 17:00-da Azadlıq meydanında keçiriləcək tədbirə qatılmağa hazırlaşır. Zurabişvilinin sözlərinə görə, bu, Gürcüstanın bayramı olacaq və “hamımız bir yerdə olmalıyıq”.
“Hər şeydə iştirak etməyə hazıram, məni tribunaya dəvət etsələr, daha yaxşı, olmasa, xalqın içində olacağam və sabah birlikdə qeyd edəcəyik, bu son gün deyil. Bu, Gürcüstanın gələcəyinin, şanlı gələcəyinin, Avropanın gələcəyinin başlanğıcıdır və mən bu münasibətlə hamını təbrik edirəm”, - deyə prezident bildirib.
Dekabrın 14-də, Avropa Şurasının sammitinin ilk günündə Aİ ölkələrinin liderləri Gürcüstanın Avropa Komissiyasının tövsiyəsində yer alan müvafiq addımları atacağını nəzərə alaraq, Gürcüstana Aİ üzvlüyünə namizəd statusunun verilməsi barədə qərar qəbul ediblər.
Bundan əlavə, Avropa Şurası Gürcüstanı Avropa İttifaqının dəyərlərinə açıq-aşkar sadiqlik nümayiş etdirməyə, islahatlar istiqamətində irəliləyişi davam etdirməyə və Avropa Komissiyasının noyabrın 8-də qəbul etdiyi tövsiyədə sadalanan şərtləri dönməz şəkildə yerinə yetirməyə çağırıb.
