Ətraf Mühitin Mühafizəsi və Kənd Təsərrüfatı Nazirliyinin tabeliyində olan Milli Ətraf Mühit Agentliyi “Dağ Xəbərləri”nə Şovidə baş vermiş, nəticəsində indiyədək 26 cəsədin tapıldığı, 7 nəfərin axtarışlarının davam etdirildiyi təbii fəlakət barədə ictimai məlumatı vermir. “Dağ Xəbərləri” məlumatın bloklanması ilə bağlı Milli Ətra Mühit Agentliyinə qarşı məhkəməyə növbəti şikayətini təqdim edib.
Əsas xəbərlər
Milli Ətra Mühit Agentliyi bu fəlakətlə bağlı ilkin qiymətləndirməni avqustun 6-da dərc edib. Nəticə hökuməti tamamilə məsuliyyətindən yayındırır.
Avqustun 7-də Ətraf Mühitin Mühafizəsi və Kənd Təsərrüfatı naziri Otar Şamuqia bildirib ki, fəlakətin qarşısını almaq mümkün olmayıb.
Avqustun 9-da Ətraf Mühitin Mühafizəsi və Kənd Təsərrüfatı nazirinin birinci müavini Nino Tandilaşvili media nümayəndələri üçün brifinq keçirib. Nazirliyin mətbuat xidməti ilk gündən Şovi faciəsini ətraflı işıqlandıran “Dağ Xəbərləri”nə mətbuat konfransı barədə məlumat verməyib.
Nəzərinin birinci müavininə brifinq keçirərək, jurnalistlərə peyk məlumatlarını göstərərib və deyib:
“Beynəlxalq tərəfdaşlardan və BMT-nin müvafiq qurumlarından aldığımız məlumatlar vadidə təbii fəlakətin inkişafına qədər su kütlələrində durğunluğun olmaması fikrini dəstəkləyir. Mütəxəssislərimiz bildirirlər ki, bizim suyun səviyyəsini ölçən müvafiq qurğulardan əldə etdiyimiz göstəricilərdə suyun səviyyəsinin azalması müşahidə olunmayıb. Bu, çox ani, belə desək, qaya tərkibli kütlənin çökməsi idi. Yarım milyon kubmetr kütlə buzlaq kütləsi ilə toqquşub, onu qoparıb çox qısa zamanda Şovi kurortuna gətirib. Belə təbiət hadisələr zamanı çox mürəkkəb proseslərlə qarşılaşırıq; Bir neçə hadisə üst-üstə düşüb. Belə bir miqyasda təbii fəlakətin inkişafından danışarkən, mütəxəssislərimizin fikrincə, əvvəlcədən proqnozlaşdırmaq praktiki olaraq mümkün deyil.
Avqustun 10-da “Dağ xəbərləri” Milli Ətraf Mühit Agentliyindən yazılı şəkildə ictimai məlumat, xüsusən də iş materialları [təbii prosesləri və onların mümkün səbəblərini, təbii fəlakətdən sonra müşahidəni əks etdirən redaktə olunmamış videomaterial (helikopter və dronlardan götürülmüş); beynəlxalq tərəfdaşlardan alınmış peyk şəkilləri və agentlik tərəfindən emal edilmiş, yaradılmış, göndərilmiş - qorunan bütün digər materiallar], Şovi təbii fəlakəti ilə bağlı hazırlanmış ilkin nəticəyə, ətraf mühit və kənd təsərrüfatı nazirinin və onun birinci müavinin ictimaiyyətə verdiyi bəyanatlar və qiymətləndirmələrin əsaslandığı məlumatları tələb edib.
Qanunvericilik Milli Ətraf Mühit Agentliyini tələb olunan ictimai məlumatı dərhal “Dağ Xəbərləri”nə təqdim etməyə məcbur edir. İctimai məlumatların toplanması daha çox vaxt tələb etdiyi halda, 10 günlük müddətin mümkün istifadəsi barədə dərhal yazılı şəkildə xəbərdarlıq edilməlidir. Agentlik “Dağ Xəbərləri”nə nə ictimai məlumat verib, nə də 10 günlük müddətə ehtiyac barədə yazılı məlumat verib.
Agentliyin ictimaiyyətlə əlaqələr xidməti və ictimai məlumatlarında məsul olan şəxslər artıq “Dağ Xəbərləri”nin telefon zənglərinə cavab vermirlər.
Bu, Milli Ətraf Mühit Agentliyinin qanunu pozması və “Dağ Xəbərləri” üçün ictimai məlumatı bloklaması ilə bağlı ilk və yeganə hal deyil. Çiaturan;n kəndlərində açıq mədən üsulu ilə manqan hasilatı nəticəsində havanın çirklənməsini təsdiq edən sənədlərin və, həmçinin Raça meşələrinin rus oliqarxının ortağı Davit Xidaşeliyə verilməsi ilə bağlı iş materiallarının verilməməsinə görə “Dağ Xəbərləri”nin agentlik və Ətraf Mühitin Mühafizəsi və Kənd Təsərrüfatı Nazirliyi ilə bir neçə məhkəmə mübahisəsi var.
Milli Ətraf Mühit Agentliyi “Dağ Xəbərləri”nə 2022-ci ildə Gürcüstanda təbii geoloji proseslərin inkişafının nəticələri və 2023-cü il üçün proqnoz haqqında geoloji bülleteni də təqdim etmir.
Agentlik bu sənədi öz saytında dərc etməlidir, o da bunu etmir. Agentlik geoloji bülleteni iki aydan artıqdır ki, dövlət qurumu ilə mübahisə edən “Yaşıl Alternativ” ekoloji təşkilatına da verməyib.
Qeyd edək ki, Şovidə baş verən təbii fəlakətin dördüncü günündən hökumət administrasiyasının göstərişi ilə polis “Dağ Xəbərləri”nin jurnalistlərini fəlakət bölgəsinə buraxmayıb.
