Tbilisi Şəhər Məhkəməsinin hakimi Lela Tsaqareishvili rus qanununa etiraz zamanı polis tərəfindən döyülən amerikalı amerikalı hüquqşunası 2000 lari məbləğində cərimələyib. Daxili İşlər Nazirliyi Ted Conası xırda xuliqanlıqda və polis məmurunun qanuni tələbinə tabe olmamaqda ittiham edib. Hakim onu hər iki maddə üzrə qanun pozucusu kimi tanıyıb.
Əsas xəbərlər
Oxucunun seçimi
- 1 Əliyev və həyat yoldaşı Putini şam yeməyində qonaq ediblər
- 2 Məhkəmə MSK-nın mübahisələndirilən qərarını qüvvədə saxlayıb
- 3 Samnidze və etnik azərbaycanlı fəalların bir hissəsi “Dəyişiklik Koalisiyası”na qoşulublar
- 4 İlon Musk Ramzan Kadırova “Tesla Cybertruck” verdiyini inkar edir
- 5 Hökumət Ədliyyə Evi üçün “Arzu” donorundan illik 704 880 lariyə yer icarəyə götürüb
- 6 Zelenski Kursk vilayətində əməliyyatın əsas vəzifəsi kimi “bufer zonasının yaradılmasını” hallandırıb
“Bu, Gürcüstan məhkəmələrinin sübutlar əsasında hərəkət etmədiyinin və polisi yalan ifadələrə görə məsuliyyətə cəlb etmədiyinin əyani nümayişi, qeyri-qanuni zorakılıq barədə heçnə demirəm”, - Ted Conas apellyasiya şikayəti verəcəyi hakimin qərarını qiymətləndirib.
Amerikalı vəkilin sözlərinə görə, o, məhkəmədə sübut edib ki, polis əməkdaşlarının onların tələbinə tabe olmamaları və saxlanılma şərtləri ilə bağlı ifadələri yalan olub. Bundan əlavə, Ted Conasın sözlərinə görə, məhkəməyə şahid qismində gətirilən polis əməkdaşları onun saxlanıldığı yerdə olmayıblar və saxlanılma protokolunu saxtalaşdırıblar. Bu halları nəzərə alan Conas Davit Katsaravanın işində olduğu kimi hakimin bəndlərdən birini çıxaracağına ümid edirdi.
“Amma yox. Hakim rejimə sadiq olduğumu təsdiqləyərək məni hər iki maddənin pozucusu elan etdi, lakin cərimə eynidir - 2000 lari. Polisə “rus” demək indi rəsmi olaraq inzibati xətadır, xırda xuliqanlıqdır. Katsarava və mənim işlərinə görə, bu, təhqir olmaqla yanaşı, həm də söyüş hesab olunur”, - Ted Conas “Facebook” sosial şəbəkəsində yazıb.
Hüquqşunasın sözlərinə görə, o, məhkəmədə bildirib ki, onun hərəkəti - hakimiyyət haqqında siyasi çıxış konstitusiya ilə qorunur və minlərlə insanı, o cümlədən özü də onları “ruslar”, “qul” və “satqınlar” adlandırmağa polisin hərəkətləri təhrik edib. “Onlar su şırnaqları, gözyaşardıcı qaz, bibər qazı, dəyənək və qalxanla sizə hücum etdikdən sonra onlara hava öpücükləri göndərməlisiniz?”, Ted Conas yazır.
Gürcüstan və Amerikanın ikili vətəndaşı olan 61 yaşlı Ted Conas mayın 1-də “xarici agentlər” haqqında rus qanununa qarşı keçirilən nümayişdə saxlanılıb. O, bildirib ki, polis onu həm sözlü, həm də fiziki təhqir edib.
Məhkəmə aksiyada DİN əməkdaşları tərəfindən qanunsuz saxlanılan və ağır döyülən Davit Katsaravanı da 2000 lari məbləğində cərimələyib. Daxili İşlər Nazirliyi “işğal əleyhinə hərəkat” liderini xırda xuliqanlıq və polis əməkdaşına qarşı şifahi söyüşdə ittiham etsə də, hakim Koba Çaqunava xırda xuliqanlıq hissəsində sübut olmadığına görə prosesi dayandırıb. Hakimin sözlərinə görə, Katsarava xüsusi təyinatlıların nümayəndələrinə, Rusiya hökumətinin nümayəndələri deyə müraciət edib və bu, təhqiramiz ifadədir.
