2023-cü ildə Gürcüstana 7 072 220 beynəlxalq səyahətçi səfər edib. Milli Turizm Administrasiyasının məlumatına görə, pandemiyadan əvvəlki dövrün məlumatlarının 75,6 faizi bərpa olunub, 2022-ci illə müqayisədə isə artım 30,3 faiz təşkil edib.
Əsas xəbərlər
Ötən il ən çox beynəlxalq səyahətçi səfəri Rusiya Federasiyasından həyata keçirilib. Çindən edilən səfərlərin sayı 554,5% artıb.
Rəsmi məlumatlara görə, ilk 15 ölkənin siyahısı belədir:
Rusiya - 1 418 464 (2022-ci ilin məlumatından 30,5% çox)
Türkiyə - 1 396 660 (+50,9%)
Ermənistan - 962 540 (+29,6%)
İsrail - 217 065 (+3,3%)
Azərbaycan - 199 835 (+30,6%)
Qazaxıstan - 167 492 (+39%)
Ukrayna - 146 931 (-13%)
Belarus - 130 203 (+0,1%)
İran - 126 282 (+22,8%)
Polşa - 91 210 (+117,6%)
Hindistan - 84 688 (+60,3%)
Səudiyyə Ərəbistanı - 72 953 (-39,2%)
Almaniya - 68 824 (+41,8%)
Özbəkistan - 52 088 (+8,6%)
Çin - 48 304 (+554,5%)
2023-cü ilin dördüncü rübündə 1 013 891 beynəlxalq turist səfəri baş tutub ki, bu da 2019-cu ilin göstəricisinin 93% bərpasıdır.
2023-cü il ərzində Gürcüstan beynəlxalq turizmdən 4,1 milyard dollar gəlir əldə edib ki, bu da Milli Turizm Administrasiyasının iddia etdiyi kimi, rekord göstəricidir. 2023-cü ildə əldə edilən gəlirlər 2019-cu ilin səviyyəsini 26,2% üstələyib.
