Rusiya tərəfindən işğal olunmuş qondarma Cxinvali bölgəsinin qondarma prezidenti Alan Qaqloyev və Çeçenistan Respublikasının rəhbəri Ramzan Kadırov Qroznıda keçirilən “Cənubi Osetiya Mədəniyyət Günləri”nin qapanış mərasimində iştirak ediblər.
Əsas xəbərlər
Oxucunun seçimi
- 1 Bidzina İvanişvilinin anti-qərb mesajları
- 2 Rus qanununu vasitəsilə fiziki şəxsləri də cərimələmək mümkün olacaq
- 3 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 4 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 “Gürcü Arzusu” aprelin 29-da rus qanununa dəstək aksiyası keçirəcək
Kadırov Qaqloyevə şəxsən Qroznıya gəldiyinə görə təşəkkür edib və onu “Çeçenistan Respublikasının yaranmasının 100 illiyi” medalı ilə təltif edib. Onun qeyd etdiyi kimi, Cənubi Osetiya ilə Çeçenistan arasında uzunmüddətli mədəni əlaqələr var.
“Cənubi Osetiya xalqının mədəniyyəti müstəqil və unikaldır. Bu yaxınlarda Cxinvalidə respublikamıza həsr olunmuş mədəniyyət günləri keçirildi. Bu tədbirlər vasitəsilə biz başqa xalqların adətləri və ənənələri haqqında: yaradıcılıq, musiqi, teatr və rəqs vasitəsilə daha çox məlumat əldə edirik”,- Kadırov bildirib.
Alan Qaqloyevin fikrincə, mədəni tədbirlər mübadiləsi çeçen və osetin xalqları arasında qardaşlıq münasibətlərinin sübutudur:
Osetin və çeçen döyüşçülərinin Rusiyanı parçalamağa və psevdodəyərləri mənimsətməklə xalqını bir-birinə qarşı qoymağa çalışan Qərbə qarşı çiyin-çiyinə dayandığı indi bu cür tədbirlər xüsusilə vacibdir”.
De-fakto hökumətin məlumatına görə, Ramzan Kadırovun qərarı ilə qondarma Cənubi Osetiyadan olan yaradıcı kollektivlər pulla mükafatlandırılıb: Kosta Xetaqurov adına Dövlət Dram Teatrı bir milyon rubl, Qalayev adına “Simd” Dövlət Mahnı və Rəqs Ansamblı isə 2 milyon rubl mükafat alıb.
Alan Qaqloyev və de-fakto hökumətin digər nümayəndələri Çeçenistanda mayın 15-16-da olublar. Səfər çərçivəsində Qaqloyev Qudermes şəhərində yerləşən Rusiya Xüsusi Təyinatlı Qüvvələri Universitetində olub. Onun sözlərinə görə, o, Cənubi Osetiya döyüşçülərinin universitetdə hazırlıq səviyyəsini yüksəldə bilməsi imkanlarını da nəzərdən keçirəcək.
