Parlament aksiyalarda çadır, səhnə qurmağı sürətləndirilmiş rejimdə qadağan edir

Qanun layihəsinə əsasən toplantı və ya nümayiş iştirakçılarına müvəqqəti tikili qurmaq, çadır qurmaq qadağandır, əgər

1. onun təşkili toplantı və ya nümayiş iştirakçıları və ya digər şəxslər üçün təhlükə törədirsə;
2. ictimai asayişin və təhlükəsizliyin polis tərəfindən qorunmasına mane olursa;
3. müəssisənin, idarənin və ya təşkilatın normal fəaliyyətinin pozulmasına səbəb olursa;
4. mitinq, nümayişlə əlaqəsi yoxdursa.

Qanun layihəsinə görə pozuntu tikintinin, çadırın müsadirəsi və 500 lari məbləğində cərimə və ya müsadirə və 15 günə qədər inzibati həbslə cəzalandırılacaq. Əgər qanunu pozan təşkilatçıdırsa, cinayətin obyekti müsadirə edilə və 5000 lari məbləğində cərimə oluna biləe və ya müsadirə və 15 günə qədər inzibati həbs.

Qanun layihəsinin izahat kartına əsasən. 2023-cü il sentyabrın 18-də Dövlət Təhlükəsizliyi Xidməti məlumat yayıb ki, Gürcüstanda və onun hüdudlarından kənarda fəaliyyət göstərən müəyyən qrup şəxs 2023-cü ilin oktyabr-dekabr aylarında Gürcüstanda sabitliyi pozmağı planlaşdırır. Belə ki, çadır şəhərinin salınması, Gürcüstanın mərkəzi prospektlərinin və strateji obyektlərinin yaxınlığında barrikadaların qurulması, dövlət orqanlarının binalarının zəbt edilməsi və bloklanması nəzərdə tutulur. “Bundan əlavə, əldə edilən məlumata görə, çadırlar şəhərinin ərazisinə partlayıcı qurğunun tətbiqi və işə salınması nəzərdə tutulur. Qeyd olunan təhlükəni nəzərə alaraq, Gürcüstan Konstitusiyası və Avropa İnsan Hüquqları Konvensiyası ilə müəyyən edilmiş dövlətin müsbət öhdəliyinə əsaslanaraq, Gürcüstanın müvafiq orqanları yuxarıda qeyd olunan təhlükənin qarşısını almaq üçün bütün ağlabatan tədbirləri görməyə borcludurlar”, -İzahat kartında deyilir. Qanun layihəsinin təşəbbüskarları Gürcüstan parlamentinin üzvləri Anri Oxanaşvili, İrakli Beraya, Givi Mikanadze, Rati Yonatamişvili, İrakli Şatakişvili, Tengiz Şarmanaşvili və Aleksandr Tabatadzedir.

Oktyabrın 2-də keçirilən brifinqdə hakim “Gürcü arzusu” partiyasının sədri İrakli Kobaxidze deyib ki, Qanun layihəsinin sürətləndirilmiş şəkildə qəbul edilməsi DTX-nın yaydığı bəyanatda qeyd olunan təhlükələrin qarşısının alınmasına xidmət edir.

“Oktyabrdan, o cümlədən noyabr-dekabrdan inqilabi proseslərin planlaşdırıldığı ilə bağlı birbaşa məlumatlar var. Buna görə də, bu işin sürətləndirilməsinin, əlbəttə ki, öz məntiqi əsası var. Təbii ki, müxalifət zəifdir, lakin bu zəiflik şəraitində təxribat riski təbii ki, artır. Burada biz qabaqlayıcı tədbirlər görməliyik və bu qanun layihəsi məhz buna xidmət edir”, - Kobaxidze qeyd edib.

Qanuna edilən dəyişikliklər artıq İnsan Hüquqlarının Müdafiəsi və Mülki İnteqrasiya, eləcə də Hüquq Məsələləri Komitələri tərəfindən dəstəklənib.

Hüquq müdafiə təşkilatlarının fikrincə, qanun layihəsi qəbul olunarsa, sərbəst toplaşmaq azadlığının pozulması və fəallara qarşı repressiya üçün yeni alət olacaq.

“Qanun layihəsinin qəbulu ilə hakimiyyətin nümayişçilərin sərbəst toplaşmaq azadlığına özbaşına müdaxiləsi təhlükəsi artacaq. Vaxtilə hüquq-mühafizə orqanlarının əməkdaşları tərəfindən aksiya iştirakçılarına çadır qurmaq imkanını qanunsuz olaraq verilməməsi halları çox olub.

Qanunun sərtləşdirilməsi əslində heç bir ictimai maraqlara xidmət etmir, əksinə etirazçıları cəzalandırmaq üçün əlavə rıçaq yaradır ki, bu da sərbəst toplaşmaq azadlığını zəiflədəcək”, - “Gürcüstanın Demokratik Təşəbbüsü” təşkilatının rəhbəri Eduard Marikaşvili deyir.

Gənc Hüquqşünaslar Assosiasiyasının sədri Nona Kurdovanidzenin sözlərinə görə, başlanmış dəyişikliklərin məqsədi vətəndaş hüquqlarının daha da məhdudlaşdırılmasıdır.

Qanunvericilik artıq ictimai təhlükəsizliyi, başqalarının hüquqlarını qorumaq və inzibati orqanın rahat fəaliyyətini təmin etmək üçün sərbəst toplaşmaq azadlığının məhdudlaşdırılmasına icazə verir.

2016-cı ildə Tbilisi Şəhər Məhkəməsi SAİA-nın qaldırdığı işdə belə izah edib ki, “toplantı və nümayiş hüququna toplantının yerini, vaxtını, formasını və məzmununu seçmək hüququ, o cümlədən müvəqqəti tikililərin yerləşdirilməsi imkanları daxildir”.