“Vətəndaşlar” partiyası bu gün Tbilisi Şəhər Məhkəməsində “Liberty Bank”a qarşı iddia qaldırıb. İddiaçılar 70 yaşına çatmamış pensiyaçılardır və mübahisənin predmeti “overdraft” müqavilələridir.
Əsas xəbərlər
Oxucunun seçimi
- 1 Əliyev və həyat yoldaşı Putini şam yeməyində qonaq ediblər
- 2 Məhkəmə MSK-nın mübahisələndirilən qərarını qüvvədə saxlayıb
- 3 Samnidze və etnik azərbaycanlı fəalların bir hissəsi “Dəyişiklik Koalisiyası”na qoşulublar
- 4 İlon Musk Ramzan Kadırova “Tesla Cybertruck” verdiyini inkar edir
- 5 Hökumət Ədliyyə Evi üçün “Arzu” donorundan illik 704 880 lariyə yer icarəyə götürüb
- 6 Zelenski Kursk vilayətində əməliyyatın əsas vəzifəsi kimi “bufer zonasının yaradılmasını” hallandırıb
“Vətəndaşlar” partiyasıın üzvü, hüquqşünas Qiorqi Rexviaşvili izah edir ki, iddia ilə onlar “overdraft” müqavilələrinin etibarsız hesab edilməsini və öhdəliyin yerinə yetirilmiş hesab edilməsini tələb edirlər.
“Pensiyaçılar 2019-cu ildə götürdükləri məbləğdən artıq üç dəfə daha çox vəsait ödəyiblər, baxmayaraq ki, bu beş il ərzində əsas borcdan bir lari də əksilməyib. Müqavilələrin etibarsız sayılmasını və ödənilmiş məbləğlə öhdəliyin yerinə yetirilmiş hesab edilməsini tələb edirik. Məhkəmə bizim vəsatətimizi təmin edərsə, qərar presedent dəyərinə malik olacaq və digər pensiyaçılara da təsir edəcək.
Başqa bir hal da var: məhkəmədə iddia qaldırmazdan əvvəl “Liberty Bank”a müraciət edərək həm kreditin ləğvini, həm də müqavilələrin bizə təhvil verilməsini tələb etdik. Bizim tələbimizi yerinə yetirmədilər, müqavilələri vermədilər. Bizə dedilər ki, arxivdə axtarırlar, bu da öz növbəsində anlaşılmazdır, çünki söhbət cari kreditlərdən gedir. Bu o deməkdir ki, onlar pensiyaçıları soymaqda və müqavilə tələb olunmayan kreditlər üçün onların pensiyalarından məbləğ tutmağa davam edirlər”, - Qiorqi Rexviaşvili “Gürcüstan Xəbərləri”nə bildirib.
“Pensiyaçılar “overdraft”ı ömürlük borc adlandırırlar, çünki onlar onu geri qaytara bilməyəcəklərinə düşünürlər. “Overdraft” ən bahalı bank məhsuludur. Bank işçiləri pensiyaçılara onun hansı təhlükələri ehtiva etdiyini izah etməyiblər; Onlara izah etməyiblər ki, ödədikləri pul yalnız bankın xidmət komissiyasına düşəcək və kredit məbləğindən heç nə tutulmayacaq”, - “Vətəndaşlar” Partiyasının üzvü, deputat Ketevan Turazaşvili qeyd edir ki, onun partiyası ilə hər gün yüzlərlə pensiyaçı əlaqəyə çıxır.
“Sakstat”ın məlumatına görə, 2023-cü ildə Gürcüstanda pensiya alanların (yaşa görə pensiyaçı) sayı 838,1 min nəfər təşkil edib.
354 min pensiyaçı və sosial müavinət alan şəxs pensiya krediti götürüb. “Liberty Bank”ın Milli Banka təqdim etdiyi hesabata görə, ötən ilin üçüncü rübündə verilən pensiya kreditlərinin orta nominal faiz dərəcəsi 29,4% təşkil edib. Pensiya kreditlərinin ümumi portfeli 401 milyon lariyə çatıb.
Bu mövzu haqqında:
Ombudsman “Liberty Bank”dan pensiyaçıların köhnə kredit ödəmə şərtlərinin qaytarılmasını tələb edir
