Parlamentin müxalifətçi deputatı Qubaz Sanikidze deyir ki, o, baş nazir İrakli Ğaribaşvilini böhtana görə məhkəməyə verəcək. Martın 24-də Ğaribaşvili parlamentdə çıxışı zamanı Sanikidzeyə onun Saakaşviliyə 100 min dollara satıldığını, əclaf, satqın və nakişi olduğunu deyib. Sanikidze baş nazirin əsassız və təhqiramiz bəyanatına söyüşlə cavab verib. Baş nazirin partiyasından olan deputatlar iclas zalını tərk etdikdən sonra Sanikidzeni təqib edərək onu şifahi və fiziki təhqir ediblər.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 3 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 4 Strasburq məhkəməsi Nika Qvaramiyanın şikayətini qəbul etməyib
- 5 Moskvada baş verən hücumda şübhəli bilinənlər barəsində həbs-qətimkan tədbiri seçilib
- 6 Bu qanun nə Avropa, nə də Amerika qanunudur - Aİ səfiri rus qanunu barədə
“Mən onu məhkəməyə vermək qərarına gəldim. Mənə böhtan atdı ki, “Milli Hərəkat”dan 100 min dollar götürmüşəm. Ğaribaşvili bunu sübut etməli olacaq. Təsdiq edə bilməyəcək, çünki təbiətdə baş verməyən bir şeyi necə təsdiq etməlidir? Bilirəm ki, mənə qarşı çox ciddi müqavimət olacaq, o cümlədən məhkəmə tərəfindən. Mənə qarşı dəhşətli təzyiq və çirkinlik olacaq, amma mən buna hazıram. Ən əsası odur ki, ailə üzvlərim, dostlarım, həmfikirlərim və adi insanlar məni dəstəkləyirlər”, - deyən Sanikidze, baş nazirin “Gürcü Arzusu”nun deputatlarını ona qarşı zorakılıq etməyə çağırdığını bildirib.
“Fiziki cəzalandırılmalı olduğum barədə məlumat aldım. Mandat sahibləri əllərini tərpətməyiblər, mühafizə xidməti əllərini tərpətməyiblər. Üstəlik, bu qalmaqal başlayanda, bildiyimə görə, şəkil çəkdirməyə gələn jurnalistlərə icazə verilməyib, saxlanılıb. Görünən o kadrlar finaldır. Bundan əvvəl böyük bir hekayə var idi”, - Sanikidze bildirib.
Qubaz Sanikidze 2012-2016-cı il çağırış parlamentində “Gürcü Arzusu”ndan Kutaisi majoritar deputatı olub. 2020-ci ildə “Vahid Milli Hərəkat – Vahid Müxalifət” partiyasının siyahısı ilə 10-cu çağırış Parlamentin deputatı olub.
