Գուբազ Սանիկիձեն զրպարտության համար պատրաստվում է դատի տալ Իրակլի Ղարիբաշվիլիին

«Ես դատի տալու որոշում եմ կայացրել։ Նա ինձ զրպարտեց, թե «Ազգային շարժումից» 100 հազար դոլար եմ վերցրել: Ղարիբաշվիլին ստիպված կլինի դա ապացուցել։ Նա չի կարող հաստատել, որովհետև այն, ինչ բնության մեջ չի եղել, ի՞նչ պետք է հաստատի։ Ես գիտեմ, որ շատ լուրջ դիմակայություն է լինելու, այդ թվում՝ դատարանից։ Իմ դեմ սարսափելի ճնշում ու կեղտ կլինի, բայց ես պատրաստ եմ դրան։ Ամենակարևորն այն է, որ իմ ընտանիքի անդամները, ընկերները, համախոհները և սովորական մարդիկ աջակցեն ինձ»,- ասել է Սանիկիձեն՝ հավելելով, որ վարչապետն է կոչ արել «Վրացական երազանքի» պատգամավորներին բռնություն գործադրել իր նկատմամբ։

«Տեղեկություն եմ ստացել, որ պետք է ֆիզիկապես պատժվեմ։ Անվտանգության աշխատակիցները իրենց տեղից չեն շարժվել: Ավելին, երբ սկսվեց այս ընդհարումը, որքան գիտեմ, նկարահանելու համար եկած լրագրողներին թույլ չեն տվել աշխատել ու ձերբակալել են։ Կադրերը, որոնք կան՝ վերջում տեղի ունեցածն են նկարագրում: Մինչ այդ մեծ բաներ է եղել»,- ասել է Սանիկիձեն։

Գուբազ Սանիկիձեն 2012-2016 թվականների գումարման խորհրդարանում «Վրացական երազանքից» Քութայիսիի մեծամասնական պատգամավոր էր։ 2020 թվականին նա դարձել է 10-րդ գումարման խորհրդարանի պատգամավոր «Միացյալ ազգային շարժում – Միացյալ ընդդիմություն» կուսակցության ցուցակով։