Rikoti sürət magistralının 27 km-lik hissəsində avtomobil yolu istifadəyə verilib. Əsas yolun yeni, dörd zolaqlı hissəsi Xaraqauli bələdiyyəsinin Xevi kəndi yaxınlığından başlayır və Zestafoni bələdiyyəsinin Şorapani qəsəbəsi yaxınlığında bitir. Xevi-Şorapani hissəsinə 65 körpü və 38 tunel daxildir. Yeni hissə Rikotiyə gediş məsafəsini 8 kilometr, səyahət müddətini isə 25 dəqiqə azaldır.
Əsas xəbərlər
Gürcüstandaki ən uzun körpü Xevi-Şorapani hissəsindədir - onun uzunluğu 1362 metrdir. Eyni hissədəki ən uzun tunelin uzunluğu isə 1640 metrdir.
Baş nazir İrakli Ğaribaşvilinin sözlərinə görə, Rikotinin əsas magistral yolu ümumilikdə 52 km olacaq, 97 körpü və 51 tunelin tikintisi davam etdirilir.
“Bu günə olan məlumata görə, artıq 48 tunel kəsilib, 83 körpü tikilib. Bu, ən irimiqyaslı layihədir. Həll baxımından bu qədər irimiqyaslı və mürəkkəb layihə ölkəmiz reallığında həyata keçirilməyib. Qalan hissələr üzrə işlər fəal şəkildə davam edir və hökumətin planına əsasən, Rikoti hissəsi 2024-cü ilin sonuna qədər tamamilə istifadəyə veriləcək", - baş nazir bildirib.
Rikoti yolunun tikintisi Avropa İnvestisiya Bankı (AİB), Dünya Bankı (DB) və Asiya İnkişaf Bankının (AİB) dəstəyi ilə davam edir. Tikinti işlərinin ümumi dəyəri 2,6 milyard lariyə qədərdir.
Layihə çərçivəsində xüsusi məkanlar, ticarət sahələri adlanan yerlər düzəldiləcək ki, burada əhali məhsullarını lazımi infrastruktur və yol təhlükəsizliyi şəraitində sata biləcək.
Hökumət administrasiyasının məlumatına görə, Rikoti magistral yolunun layihəsində Amerika, İtaliya, Türkiyə və Gürcüstanın tanınmış şirkətləri işləyib; Tikinti işlərini açıq tenderdə qalib gələn 4 müxtəlif Çin şirkəti, işlərə nəzarəti isə Fransa, Türkiyə, Avstraliya və Koreyadan olan beynəlxalq şirkətlər həyata keçirir.
