Rusiyanın “Rosaviasiya” Federal Hava Nəqliyyatı Agentliyi Rusiyanın “Red Wings” aviaşirkətinə Gürcüstan istiqamətində əlavə uçuşlar həyata keçirməyə icazə verib.
Əsas xəbərlər
Oxucunun seçimi
- 1 Bidzina İvanişvilinin anti-qərb mesajları
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 Şarl Mişel rus qanunu ilə bağlı: “Bu, Gürcüstanın Avropa istəkləri ilə uyğunsuzdur”
- 4 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 5 Mənim vetom xalqın səsi olacaq və aydın şəkildə eşidiləcək – Zurabişvili
- 6 “Polis mənə fiziki təzyiq etdi, qabırğam sınıb”- Aleko Elisaşvili
“Rosaviasiya”nın qərarına əsasən, aviaşirkət aşağıdakı istiqamətlərə müntəzəm beynəlxalq hava daşımaları üçün icazə alıb:
- İrkutsk - Tbilisi
- Novosibirsk - Tbilisi
- Qroznı - Tbilisi
- Novosibirsk - Batumi
- Qroznı - Batumi
- Novosibirsk - Kutaisi
Hər bir istiqamətə verilən icazə həftədə yeddi reysin yerinə yetirilməsi imkanını nəzərdə tutur.
Tbilisi, Batumi və Kutaisi beynəlxalq hava limanları istiqamətində uçuşlar həyata keçirmək üçün Rusiya aviaşirkəti Gürcüstanın Mülki Aviasiya Agentliyinin icazəsini almalıdır.
Hazırda “Red Wings” Tbilisiyə Sankt-Peterburq, Samara, Kazan və Yekaterinburqdan uçur, Moskvadan isə Batumi və Kutaisi istiqamətində uçuşlar həyata keçirir. Aviaşirkət Kutaisi-Peterburq marşrutu üzrə də fəaliyyət göstərir.
“Red Wings” 2023-cü ildə Rusiya ilə Gürcüstan arasında birbaşa hava əlaqəsi bərpa edildikdən sonra Mülki Aviasiya Agentliyi tərəfindən Soçi-Tbilisi-Soçi və Moskva-Kutaisi-Moskva hava marşrutları üzrə uçuşlara icazə verilən ilk Rusiya aviaşirkətlərindən biridir.