რუსეთის საჰაერო ტრანსპორტის ფედერალურმა სააგენტომ, „როსავიაციამ“ რუსულ ავიაკომპანია Red Wings-ს საქართველოს მიმართულებით დამატებითი რეისების შესრულებაზე ნებართვა მისცა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„როსავიაციის“ გადაწყვეტილებით, ავიაკომპანიამ მგზავრთა რეგულარული საერთაშორისო საჰაერო გადაყვანის ნებართვა შემდეგ მიმართულებებზე მოიპოვა:
- ირკუტსკი - თბილისი
- ნოვოსიბირსკი - თბილისი
- გროზნო - თბილისი
- ნოვოსიბირსკი - ბათუმი
- გროზნო - ბათუმი
- ნოვოსიბირსკი - ქუთაისი
თითოეულ მიმართულებაზე გაცემული ნებართვა კვირაში შვიდი რეისის შესრულების შესაძლებლობას ითვალისწინებს.
თბილისის, ბათუმისა და ქუთაისის საერთაშორისო აეროპორტების მიმართულებით ფრენების განსახორციელებლად რუსულმა ავიაკომპანიამ საქართველოს სამოქალაქო ავიაციის სააგენტოს ნებართვაც უნდა მოიპოვოს.
დღეისთვის Red Wings-ი თბილისში სანქტ-პეტერბურგიდან, სამარადან, ყაზანიდან და ეკატერინბურგიდან დაფრინავს, მოსკოვიდან რეისებს კი ბათუმისა და ქუთაისის მიმართულებით ასრულებს. ავიაკომპანია ქუთაისი-პეტერბურგის მიმართულებაზეც ოპერირებს.
Red Wings-ი ერთ-ერთი პირველი რუსული ავიაკომპანიაა, რომელსაც 2023 წელს რუსეთსა და საქართველოს შორის პირდაპირი ავიამიმოსვლის აღდგენის შემდეგ, სამოქალაქო ავიაციის სააგენტომ სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ფრენების შესრულების ნებართვა მისცა.
