Rusiya işğalçı qüvvələrinin nümayəndələri Qori bələdiyyəsinin Ququtiantkar kəndində yaşayan 40 yaşlı Ramaz Beğelurini işğal xəttinə yaxın ərazidən qaçırıblar. Kənd sakinlərinin sözlərinə görə, hadisə aprelin 27-də Ramaz Beğeluri kənd qəbiristanlığında qardaşının məzarını təmizləyərkən baş verib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 4 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Beğeluri artıq 5-ci dəfədir ki, qanunsuz olaraq həbs edilib. Anasının dediyi kimi, əvvəlki hadisədən sonra Ramaz Beğelurinin səhhəti pisləşib, o, Tsxinvalidə dəfələrlə döyülüb.
“O, ağırlaşmış epilepsiya xəstəsidir. Vəziyyəti pisləşəndə komaya düşür. Səhər polis gəldi. Mənə dedilər ki, heç nəyə görə narahat olma, məsələdən xəbərdardılar. Kimin və nədən xəbərdar olduğu barədə heç nə bilmirəm”, - Nora Beğeluri deyir.
Gürcüstan prezidenti Salome Zurabişvili Ramaz Beğelurinin qaçırılmasına münasibət bildirib və “Facebook”da yazıb ki, ruslar “nə Pasxanı, nə məzarlığı, nə ailəni, nə də vətəni tanımayan” qondarma eyni inanclıdır.
“Qondarma eyni inanlı və guya dəyərlərin müdafiəçisi! Onlar nə Pasxanı, nə qəbri, nə ailəni, ümumiyyətlə vətəni - nə onun həqiqi sərhədlərini, nə də öz və qonşusunun torpaqlarını ayırd etməyi bilmirlər.... Bütün bunlara baxmayaraq, bəzi insanlar dost və düşmən arasında bərabərlik işarəsi qoyurlar!”, - Salome Zurabişvili bildirib.
Ramaz Beğeluri 2 fevral 2021-ci ildə işğalçı rejim tərəfindən həbs edilib. Martın 31-də Tsxinvali məhkəməsi onu qondarma sərhəddi pozmaqda təqsirli bilib və bir il müddətinə şərti həbs cəzasına məhkum edib. Gürcüstan vətəndaşı 2 aylıq qanunsuz həbsdən sonra aprelin 1-də azad edilərək Gürcüstanın mərkəzi hökumətinin nümayəndələrinə təhvil verilib. Ailə üzvlərinin dediyinə görə, azadlığa çıxmasından bir ay keçməmiş, Ramaz Beğeluri komaya düşüb və epilepsiya diaqnozu qoyulub.
Hazırda 8 Gürcüstan vətəndaşı Tsxinvali rejiminin qanunsuz nəzarətində qalır. Onlardan ikisi aprelin 22-də həbs edilib və hələ də azad edilməyib.
