Rusiyanın Belqorod vilayətində regional səviyyədə fövqəladə vəziyyət elan edilib. Bu barədə rayonun qubernatoru Vyaçislav Qladkov məlumat verib. Onun sözlərinə görə, Belqorod vilayətində vəziyyət “hələ də son dərəcə çətin və gərgin” olaraq qalır.
Əsas xəbərlər
“Ukrayna silahlı qüvvələri hər gün atəş açır, evlər dağılır, yaralananlar var, dinc sakinlər həlak olur. Buna görə də biz əhalini qorumaq və zərərçəkənlərə əlavə yardım göstərmək üçün Belqorod rayonunun bütün ərazisində regional fövqəladə vəziyyət elan etmək qərarına gəldik”, - deyə Qladkov bildirib.
Qubernator onu da qeyd edir ki, o, yaxın vaxtlarda Kurskda olduğu kimi Belqorodda da federal fövqəladə vəziyyət elan etmək üçün Rusiya hakimiyyət orqanlarına müraciət etmək niyyətindədir.
Belqorod vilayəti Ukrayna və həmçinin Ukrayna silahlı qüvvələrinin əməliyyatının avqustun 6-dan davam etdiyi, avqustun 7-dən isə fövqəladə vəziyyətin qüvvədə olduğu Kursk vilayəti ilə həmsərhəddir.
Rusiya mətbuatının məlumatına görə, Rusiya hökuməti qurbanların sayı 500 nəfəri, yaxud dəymiş ziyanın məbləği 500 milyon rublu keçərsə, federal fövqəladə vəziyyət elan edir.
Avqustun 6-da Ukrayna qoşunları Kursk istiqamətində gözlənilməz hücum əməliyyatına başlayıb. Silahlı Qüvvələrin Ali Baş Komandanı Oleksandr Sirski prezident Volodimir Zelenski ilə söhbətində Rusiya ərazisində 74 yaşayış məntəqəsi və 40 kvadrat kilometr əraziyə nəzarət etdiklərini bildirib. Bundan əlavə, prezident Volodimir Zelenskinin sözlərinə görə, yüzlərlə rus əsgəri artıq ukraynalılar tərəfindən əsir götürülüb.
Amerika rəsmilərinə əsaslanan “Wall Street Journal” yazır ki, Rusiya Kursk bölgəsindəki hücuma cavab olaraq silahlı qüvvələrinin bir hissəsini Ukraynadan çıxarır.
