Rusiyada. Sankt-Peterburq Beynəlxalq İqtisadi Forumu çərçivəsində Vladislav Ardzinba adına Soxumi Beynəlxalq Hava Limanının bərpası ilə bağlı qondarma Saziş imzalanıb.
Əsas xəbərlər
Oxucunun seçimi
- 1 Bidzina İvanişvilinin anti-qərb mesajları
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 Şarl Mişel rus qanunu ilə bağlı: “Bu, Gürcüstanın Avropa istəkləri ilə uyğunsuzdur”
- 4 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 5 Mənim vetom xalqın səsi olacaq və aydın şəkildə eşidiləcək – Zurabişvili
- 6 “Polis mənə fiziki təzyiq etdi, qabırğam sınıb”- Aleko Elisaşvili
Rusiya mətbuatı xəbər verir ki, bu barədə qondarma Sazişi işğal olunmuş Abxaziyanın de-fakto iqtisadiyyat naziri Kristina Ozqan və Rusiyanın iqtisadi inkişaf naziri Maksim Reşetnikov imzalayıblar.
“Soxumi hava limanının yenidən qurulması Abxaziya üçün tarixi hadisədir. Hava limanı 30 ildir ki, fəaliyyət göstərmir. Bu fakt respublikada biznesin və turizmin inkişafına ciddi əngəl törədir. Yeni hava limanı eyni vaxtda Rusiya üçün iki mühüm məsələni həll edəcək: o, Rusiya vətəndaşlarının Abxaziyaya əsas girişlərində - Soçi hava limanında və Adler keçid məntəqəsində həddindən artıq sıxlığını aradan qaldıracaq”, - Reşetnikov bildirib.
Rusiyanın İqtisadi İnkişaf Nazirliyinin məlumatına görə, aeroportun bərpa işləri iki mərhələdə, özəl investorun investisiyası və federal büdcədən vəsait ayrılmadan aparılacaq. Rusiya Nəqliyyat Nazirliyinin, Federal Hava Nəqliyyatı Agentliyinin və potensial investorun ilkin hesablamalarına görə, yenidənqurma işlərinin birinci mərhələsinin dəyəri 6,5 milyard rubl təşkil edəcək.
Birinci mərhələdə 3,6 kilometrlik uçuş-enmə zolağının 2,4 kilometrinin yenidən qurulması planlaşdırılır ki, bu da iqtisadi inkişaf nazirinin müavini Dmitri Volvaçın sözlərinə görə, hava limanına müəyyən növ sərnişin (SSJ-100, МС-21) və yük (İL-76) təyyarələrini qəbul etməyə imkan verəcək.
Layihə vaxtında həyata keçirilərsə, hava limanının 2024-cü ilin dördüncü rübündə istifadəyə verilməsi planlaşdırılır. Rusiya tərəfi sərnişin axınının ildə təxminən 1,2 milyon nəfər olacağını gözləyir.
Soxumi hava limanı 1960-cı illərdə açılıb və Soxumidən 18 kilometr aralıda, Babuşara kəndində yerləşir. 1993-cü ildə Abxaziyada davam edən münaqişə nəticəsində bağlanıb. Hava limanı Gürcüstanın Aviasiya İdarəsi tərəfindən sertifikatlaşdırılmayıb və Beynəlxalq Mülki Aviasiya Təşkilatının (ICAO) dörd rəqəmli yer kodu təyin edilməyib. Ona görə də orada beynəlxalq uçuşlar həyata keçirilə bilməz. “ICAO” Abxaziyanı Gürcüstanın tərkib hissəsi kimi tanıyır və kod yalnız səlahiyyətli aviasiya orqanlarının müraciəti əsasında təyin edilir.
