“Tbilisinin mövcud hökumətin münasibətlərin normallaşmasında maraqlı olduğunu gördükdə biz cənab Ğaribaşvilinin [Gürcüstanın baş naziri] hökuməti ilə uçuşları bərpa etmək və viza rejimini ləğv etmək barədə razılığa gəldik, çünki Rusiya vətəndaşları üçün vizasız rejim uzun müddət mövcud olub və bir çox vətəndaşımız bundan bəhrələnib”, - deyə Rusiyanın xarici işlər naziri Sergey Lavrov Rusiyanın “TA” xəbər agentliyinə müsahibəsində deyib.
Əsas xəbərlər
Onun sözlərinə görə, indi “qarşılıqlılıq əsasında Gürcüstan vətəndaşları üçün vizasız rejimin tətbiqi və hava əlaqələrinin yaradılması, əlbəttə ki, əlaqələri xeyli asan və rahat edir”.
“Uçuşların sayı artır, birbaşa uçuşların coğrafiyası da genişlənir, ticarət dövriyyəsi artır. Bir çox ənənəvi Gürcüstan ixrac məhsulları ölkəmizdə çox populyardır: şərab, Borjomi və başqaları”, - Lavrov deyir.
Müsahibədə Rusiyanın xarici işlər naziri Gürcüstanla diplomatik münasibətlərin bərpası imkanlarından da danışıb.
“Biz diplomatik əlaqələri kəsməmişik. Bu Saakaşvili rejiminin təşəbbüsü idi ki, ABŞ-ın təşviqi ilə öz vətəndaşlarına, öz vətəndaşı hesab etdiyi osetinlərə, sülhməramlılara əl qaldırdı və müvafiq cavab aldıqdan sonra bütün siyasi və hərbi uğursuzluğunu anti-Rusiya hərəkətləri ilə kompensasiya etməyə başladı. Bizdə heç vaxt gürcü xalqına mənfi münasibət olmayıb. Biz gürcü xalqını, eləcə də bütün Zaqafqaziya xalqını həqiqətən sevirik. Gürcülərin Rusiya tarixində və Sovet İttifaqı tarixində, bizim incəsənət, mədəniyyət və elm tarixində xüsusi yerləri var”, - Lavrov bildirib.
Gürcüstanın baş naziri İrakli Ğaribaşvilinin sözlərinə görə, Gürcüstan hökuməti adından uçuşların bərpası ilə bağlı Rusiya ilə heç bir danışıqlar aparılmayıb.
Jurnalistin – kim yalan danışır, uçuşların bərpasının İrakli Ğaribaşvili hökuməti ilə razılaşdırıldığını deyən Lavrov, yoxsa Rusiyanın müstəqil qərar verdiyini deyən baş nazirin özü sualına Ğaribaşvili bu cür cavab verib:
“Çox kəsərli sualdır, ona necə cavab verim bilmirəm. Məsələ çox sadədir, balaca uşaq belə bunu başa düşər. Xatırladıram ki, bundan əvvəl Rusiya prezidenti demişdi ki, vizasız rejimin və uçuşların bərpası onun fərdi qərarıdır. Cənab Lavrovun bu gün dedikləri bu faktın təsdiqidir.
Təbii ki, bu müqavilə Gürcüstan hökuməti ilə imzalanıb, xüsusən də İqtisadiyyat Nazirliyinin Aviasiya Agentliyi təbii ki, müvafiq qurum və müvafiq şirkətlərə, Rusiya şirkətlərinə razılıq verir, biz bu müqavilədən danışırıq və burada hansı qalmaqal görürüsünüz? Nə müəyyən etdiniz?
Bundan əvvəl siz Rusiyanın birinci şəxsinin, prezidentin bəyanatını eşitdiniz ki, bu, onun fərdi qərarıdır. Bu gün verilən bəyanat hökumətlə razılığın əldə olunduğunun təsdiqidir. Biz bunu gizli etməmişik. Hökumət uçuşları bərpa edəcəyini, vətəndaşlarımız üçün vizasız rejim tətbiq edəcəyini dedikdən sonra biz bunu müsbət qarşıladıq, dedik ki, bu, yaxşı addımdır, xalqımıza, ölkəmizə xeyir verəcək, yaxşıdır. Biz bütün bunları açıq şəkildə etdik, gizli etmədik, dedik ki, bəli, razılaşacağıq, hətta razılaşdıq və müqavilə imzaladıq, dedik ki, ancaq icazəsiz şirkətlər və icazəsiz təyyarələr uçacaq”, – Ğaribaşvili bildirib.
Rusiya Federasiyası birtərəfli qaydada Gürcüstanla viza rejimini 2000-ci ildə tətbiq edib. 2008-ci ildə avqust müharibəsindən sonra və Rusiya tərəfindən işğal edilən ərazilərin qondarma müstəqilliyin tanınmasından sonra Gürcüstan Rusiya ilə diplomatik əlaqələri kəsib, Rusiya vətəndaşlarının da vizasız girişi dayandırılıb. 2010-cu ilin oktyabrından Gürcüstan hökuməti Şimali Qafqaz respublikalarının [Çeçenistan, İnquşetiya, Şimali Osetiya, Dağıstan, Kabardin-Balkar, Qaraçay-Çərkəz və Adıgey] sakinləri üçün vizasız rejim tətbiq edib. Onlara Gürcüstanda 90 gün qalmaq icazəsi verilib. 2012-ci ilin martından bu rejim bütün Rusiya vətəndaşlarına şamil edilib.
2019-cu ilin iyul ayından Gürcüstanla Rusiya arasında birbaşa hava əlaqəsi mövcud olmayıb. Putinin qərarı ilə birbaşa uçuşlar dayandırılıb. Bundan əvvəl Rusiya Dumasının deputatı Sergey Qavrilovun Tbilisidə səfəri ilə bağlı etiraz çıxışları olub.
Rusiya prezidenti Vladimir Putin 2023-cü il mayın 15-dən Gürcüstan vətəndaşları üçün viza rejimini ləğv edib. Həmçinin, 2019-cu ildə Rusiya aviaşirkətlərinə Gürcüstana uçuşlar həyata keçirmək və tur satmaq üçün qoyulmuş qadağa aradan qaldırılıb.
