Şovidə baş verən faciə istənilən şəraitdə qaçılmaz olardı - Davitaşvili

Hökumət iclası başa çatdıqdan sonra keçirilən brifinqdə Davitaşvili 2018-ci ildə, Çuberi fəlakəti zamanı “2-3 ildən sonra Gürcüstanın bütün ərazisində düzgün erkən xəbərdarlıq sistemimiz olacaq”deyə verdiyi bəyanata  izahat gətirib. Onun bəyanatı Şovidəki daşqından sonra aktuallaşıb.

“Keçmiş ətraf mühitin mühafizəsi naziri kimi 2018-ci ildən sonra ətraf mühitin mühafizəsi imkanlarının təkmilləşdirilməsi və gücləndirilməsi istiqamətində dövlət tərəfindən hansı işlərin görüldüyü və ictimaiyyətlə nə dərəcədə şəffaf olduğumuz barədə ictimaiyyətə daha ətraflı məlumat verməyi özümü borc bilirəm”, - Davitaşvili bildirib. Onun sözlərinə görə, 2018-ci ildən bu yana ölkədə, bütövlükdə geoloji təhlükələrin öyrənilməsi ilə bağlı mühüm işlər həyata keçirilib.

“Hər il monitorinq hesabatı dərc olunur ki, bu da, nəinki dövlət qurumları üçün, hətta növbəti layihələrin planlaşdırılması nöqteyi-nəzərindən də çox vacib bələdçidir. Gürcüstanda 2014-cü ildə biz gördük ki, əslində hidrometeoroloji sistemlər yox idi və ölkə ətraf mühitin mühafizəsi baxımından kifayət qədər zəif idi. Sizə demək istəyirəm ki, ölkəmizdə onlarla monitorinq məntəqəmiz var idi və heç birini tapmadıq. Bütün sistem pozulmuşdu və buna görə heç bir işçi məsuliyyət daşımırdı. Biz 200 müasir hidrometeoroloji stansiya quraşdırdıq, aldıq və onların quraşdırılmasına başladıq ki, bu da artıq suyun qalxmasını müşahidə etməmizə imkan verir. Həmçinin, bizə hava haqqında məlumat verən meteoroloji stansiyalar da quraşdırdıq və bu, bizə əvvəlcədən müəyyən proqnozlar verməyə və ona reaksiya verməyə imkan verir.

Gürcüstanda minlərlə çayımız var, lakin bütün bunlar risk əsaslı qiymətləndirmə əsasında həyata keçirilir. Qərarlar ən riskli yerlərə əsaslanır və biz 20 belə sürüşmə sahəsini qiymətləndirmişik ki, bizim bu yerlərdə daha çox monitorinq sistemlərimiz var, lakin siz bilirsiniz ki, Şovidə, məsələn, eynilə bizim analizimizə görə, bu tip proseslər qeydə alınmayıb. Müvafiq olaraq, hesablamaq mümkün deyildi və burada xüsusi müşahidə zonamız olacaq ən kritik istiqamətlərdən biri deyildi.

Ancaq burada da tədbirlər var idi və biz bu məlumatları da daxil olmaqla təhlil apararkən təbii fəlakət zamanı nə ilə üzləşdiyimizi barədə göstəriciləri bərpası və vəziyyətin qiymətləndirilməsi prosesi də gedir.

Həmçinin, Gürcüstanda biz iki müasir radar almışıq və bu gün üç müasir radar işləyir, bu da hökumətimizin dövründə alınıb və meteoroloji baxımdan Gürcüstanın bütün ərazisini əhatə edir. Buraya on milyonlarla investisiya yatırılıb. Biz 11 çay hövzəsində təbii təhlükə tədqiqatları aparmışıq və bunun əsasında xəritələr hazırlanıb. Belə ki, biz bir şey deyəndə, adətən bunu edirik. Biz ölkədə hidrometeoroloji sistemlərin gücləndirilməsi və monitorinq vasitələrinin olması üçün çox işlər görmüşük, lakin bir daha dərin hüznlə deyirəm ki, təəssüf ki, nə etsək də, bu tip təbii fəlakətlərə qarşı həssas ola bilərik və belə də oldu. Biz insan tələfatı yaşamışıq, bunu heç nə düzəldə bilməz. Biz faciə ilə üz-üzəyik, lakin mən hesab edirəm ki, belə mövzularda spekulyasiya etmək tamamilə əxlaqsızlıq və məsuliyyətsizlikdir”, - deyə Levan Davitaşvili bildirib.

Avqustun 3-də Raçada baş verən sürüşmə Şovi kurortunu demək olar ki, tamamilə dağıdıb və azı 18 nəfər həlak olub. Mütəxəssislərin dediyi kimi, erkən məlumatlandırma sistemi olsaydı, itkilərin qarşısını almaq olardı.