Avropa İnsan Hüquqları Məhkəməsi Vladimir Mcedlişvili Gürcüstana qarşı işi üzrə qərar çıxararaq, Avropa Konvensiyasının 3-cü maddəsinin (pis rəftara qadağa) pozuntusunu müəyyən edib və dövlətin zərərçəkmişin xeyrinə təzminat kimi 3000 avro ödəməsinə qərar verib.
Əsas xəbərlər
2017-ci il mayın 15-də, gecə saatlarında hüquq-mühafizə orqanlarının əməkdaşları Vladimir Mcedlişvilini Siğnaği şəhərinin mərkəzindəki meydanların birində saxlayıblar. Onun sözlərinə görə, saxlanılma anında və polis bölməsində təxminən 15 dəqiqə ərzində bir neçə polis əməkdaşı ona fiziki təzyiq göstərib.
Vladimir Mcedlişvilinin istintaq təcridxanasına salındığı zaman onun sol göz yuvasında və çanaq nahiyəsində qançırlar olub. Təcridxanada olarkən bir gecədə iki dəfə təcili tibbi yardıma ehtiyacı olub. Xəstəxanada aparılan müayinələrdən sonra ona 6, 7 və 8-ci qabırğanın sınığı diaqnozu qoyulub.
Polis əməkdaşının vəzifə səlahiyyətlərindən sui-istifadə etməsi (Mülki Məcəllənin 333-cü maddəsinin birinci hissəsi) ilə bağlı araşdırmaya 2017-ci il mayın 17-də Kaxeti rayon prokurorluğunda başlansa da, illərdir yekunlaşmayıb.
Sosial Ədalət Mərkəzi məhz milli səviyyədə istintaqın ləngiməsinə görə Avropa Məhkəməsinə müraciət edib.
Avropa İnsan Haqları Məhkəməsi Vladimir Mcedlişvilinin saxlanılmasından sonra bədənində aşkarlanan xəsarətləri, qabırğalarının sınığını və şiddətli ağrıları mübahisəsiz hal kimi qiymətləndirib. Tibbi ekspertiza qabırğaların zədələnməsinin dəqiq vaxtını müəyyən edə bilməyib, lakin, onların ərizəçinin həbsi zamanı vurulmuş ola biləcəyini istisna etməyib. Müvafiq olaraq, məhkəmə hesab edib ki, ərizəçiyə yetirilmiş fiziki xəsarətlər onun həbsi ilə bağlıdır və buna görə də dövlət bu faktla bağlı səmərəli araşdırma aparmağa borcludur.
Avropa Məhkəməsi qeyd edib ki, Prokurorluq hadisə ilə bağlı bir sıra müvafiq və vaxtında istintaq hərəkətləri həyata keçirib. Həmçinin, ərizəçiyə zərərçəkmiş statusu və iş materialları ilə tam tanış olmaq hüququ verilib. Bununla belə, məhkəmə istintaqın iş üçün vacib olan suallara cavab vermədiyinə diqqət çəkib. Xüsusilə:
- İstintaq hadisələrin, o cümlədən ərizəçinin həbsi ilə təcridxanaya salınması arasında baş verənlərin dəqiq xronologiyasını müəyyən etməyib.
- Tibbi ekspert şikayətçinin videokameralarda qeydə alınmış şəkildə həbsə müqavimət göstərməsi nəticəsində fiziki xəsarət alıb-almaması ilə bağlı sorğu-sual edilməyib.
- Ərizəçinin həbsə müqavimətinin intensivliyi, polis əməkdaşlarının tətbiq etdiyi güc dərəcəsi və ya bu tədbirin mütənasibliyi ilə bağlı heç bir qiymətləndirmə aparılmayıb.
- İstintaq altı ildir ki, uzun müddət fəaliyyətsizliklə davam edir. Dövlət bunu əsaslandırmaq üçün heç bir izahat təqdim etməyib.
Sosial Ədalət Mərkəzi Avropa Məhkəməsinin qərarı qüvvəyə mindikdən sonra Xüsusi İstintaq Xidmətini dərhal istintaqa başlamağa və onun tez və operativ şəkildə aparılmasını təmin etməyə çağırır.
