İşğal olunmuş Abxaziyanın de-fakto Xarici İşlər Nazirliyi Gürcüstan prezidentinin bəyanatına cavab verib. Mayın 31-də Avropa Parlamentində çıxışı zamanı Salome Zurabişvili bildirib ki, Gürcüstanın Avropa gələcəyi işğal olunmuş rayonların sakinlərinə də məxsusdur və o, Soxumidə keçirilən və “Abxaziya satılmır”, “Rusiyaya verməyəcəyik!” şüarları səsləndirərək etirazını ifadə edən aksiya iştirakçılarının yanında olduğunu bildirib.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
- 3 İrakli Beraia Gürcüstan Kəşfiyyat Xidmətinin rəhbəri təyin edilib
- 4 Gürcüstan namizəd statusunadək olan vəziyyətə qayıda bilər - Avropa Parlamentinin deputatları
- 5 Mən “Xarici agentlər haqqında” qanun layihəsinin yenidən təqdim edilməsinin əleyhinəyəm - Stoltenberq
- 6 Bidzina İvanişvilinin anti-qərb mesajları
“Biz, xanım Zurabişvilinin diqqətini suveren Abxaziyanın daxili siyasi gündəminə müdaxilənin yolverilməzliyinə cəlb etmək istəyirik”, - De-fakto xarici İşlər Nazirliyinin nümayəndəsi Viktoriya Malaniya deyir. “Bundan əlavə, əgər Salome Zurabişvili Abxaziya vətəndaşlarının taleyi ilə bağlı bu qədər narahatdırsa, biz ona Gürcüstan hökumətinə Abxaziya ilə Gürcüstan arasında güc tətbiq etməmək haqqında sazişin imzalanmasına təsir göstərməyi tövsiyə edirik. Təhlükəsizlikdən daha vacib nə ola bilər, elə deyilmi?”.
Mayın 30-da Soxumidə keçirilən etiraz aksiyasının təşkilatçıları da Salome Zurabişviliyə cavab verib. Qondarma müxalifət nümayəndələri Abxaziyada anti-Rusiya əhval-ruhiyyəsinin mövcudluğunu inkar edərək bildiriblər ki, Gürcüstan prezidenti bunu arzulanan reallığa çevirməyə çalışır.
“Manipulyasiya gürcü siyasətçilərinin sevimli işidir, məqsədi Abxaziya ilə Rusiya arasında qurulmuş güclü dövlətlərarası münasibətlərdə çat yaratmaqdır. Abxaziya Respublikasında nə ictimai, nə də siyasi məkanda anti-Rusiya əhval-ruhiyyəsi yoxdur və olmayacaq”, - “Abxaziya Xalq Hərəkatı”, “Aruaa”, “Veteranlar və Gənclər İttifaqı”, “Aamta”, “Birlik” ictimai təşkilatları və “APSNI” və “Abxaziya Milli Birlik Forumu” siyasi partiyalarının imzaladığı birgə bəyanatda deyilir.
Onlar Salome Zurabişviliyə müraciət ediblər ki, əgər o Abxaziya vətəndaşlarına və onların hüquqlarına bu qədər qayğı göstərirsə, Gürcüstanın “işğal olunmuş ərazilər haqqında” qanununu ləğv etmək təşəbbüsü ilə çıxış etməli və Abxaziya dövlətini pasportlarını tanımağa başlamalıdır.
Mayın 30-da Soxumi şəhərində bir neçə min insan Abxaziya Dram Teatrının yaxınlığındakı meydana toplaşıb, qondarma hökumətin istefasını tələb ediblər. Yerli mətbuatın məlumatına görə, etiraz aksiyasının iştirakçıları de-fakto prezident Aslan Bjaniyanı təkcə hökuməti istefaya göndərməyə deyil, həm də islahat şurası yaratmağa, “Gürcüstanla ticarətin leqallaşdırılması haqqında” sərəncamı ləğv etməyə, elektrik enerjisi tarifini artırmaqdan və Bichvinta Dövlət Ölkə Evinin Rusiyaya verilməsinə dair müqaviləni geri götürməkdən imtina etməyə çağıran qətnamə qəbul ediblər. Qondarma Müxalifət tələbləri yerinə yetirilməyənə qədər aksiyalarını davam etdirəcək.
