“Ölkəni qumarxanada itirməmişik, bahabiçilməz torpaqları başqasına verdiyiniz bəsdir”, - bu məzmunlu bannerlər yerləşdirdiyinə görə işğal altında olan Abxaziyanın de-fakto Daxili İşlər Nazirliyinin əməkdaşları, “Bicvinta” [“Khara Pitsunda”] təşəbbüs qrupunun fəalları, altı qız və iki oğlanı həbs ediblər.
Əsas xəbərlər
Oxucunun seçimi
- 1 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 2 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 3 Bu qanun nə Avropa, nə də Amerika qanunudur - Aİ səfiri rus qanunu barədə
- 4 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 5 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
- 6 İrakli Beraia Gürcüstan Kəşfiyyat Xidmətinin rəhbəri təyin edilib
Qondarma Nazirliyin məlumatına görə, onlar müxtəlif yerlərdə etiraz bannerləri asıblar. “Profilaktik söhbət”dən sonra qızlar evə göndərilib, gənclərə qarşı xırda xuliqanlıq maddəsi ilə inzibati iş başlanıb. Hazırda səkkiz fəalın hamısı azadlıqdadır.
“Xara Pitsunda” üzvlərinin iddia etdiyinə görə, hüquq-mühafizə orqanları əməkdaşları konstitusiyadan çıxarışların, habelə yazıçı Fazil İsgəndərin, Abxaziyanın ilk de-fakto prezidenti Vladislav Ardzinbanın və mövcud de-fakto prezident Aslan Bjaniyanın sitatlarının yazıldığı bannerləri onların əlindən qanunsuz şəkildə alıblar.
“Biz müstəqil və vahid Abxaziyada yaşamağa, dilimizi, təbiətimizi, torpağımızı, tariximizi qoruyub saxlamağa can atan gənclərik. Lakin bu gün biz hiss edirik ki, tariximiz, gələcəyimiz əlimizdən alınır. Biz bunun əleyhinəyik”, - fəalların yaydığı bəyanatda deyilir. “Biz anti-abxaziya qanununa, tarixi hissədə qanunsuz tikililərin tikilməsinə və enerji sisteminin qəsdən dağıdılmasına qarşıyıq. Bu gün paytaxtda öz xalqının səsini eşitmək istəməyən hakimiyyət üçün və fikirlərinin heç bir əhəmiyyət kəsb etmədiyini düşünən vətəndaşlar üçün bannerlər- xatırlatmalar asırıq”.
“Xara Pitsunda” ötən il etiraz aksiyaları keçirərək Bicvinta əyalətinin bağ evinin Rusiyaya verilməsinə dair sazişin ratifikasiyasına etiraz edib.
De-fakto Abxaziya Respublikası ilə Rusiya Federasiyası arasında 2022-ci il yanvarın 19-da imzalanmış qondarma müqavilə Bicvinta bağ evi kompleksinin Rusiyaya pulsuz verilməsini, ətrafdakı quru və dəniz ərazisinin icarəyə verilməsini nəzərdə tutur. Təkcə bağ evinin sahəsi 180 hektardan çoxdur. Qondarma müqavilənin qüvvəyə minməsi üçün de-fakto parlamentin onu ratifikasiya etməsi lazımdır.
Abxaziya müxalifətinin nümayəndələri də Bicvinta bağ evinin Rusiyaya verilməsinə qarşıdırlar, onlar hesab edirlər ki, hökumət “Abxaziya qanunvericiliyi”nə zidd olaraq müqavilə bağlandığına görə istefaya getməlidir.
