Yeni xəbərlər

2010-2020-ci illərdə Amilaxvari Tbilisi Açıq Universitetinin vitse-rektoru, rektoru və hüquq kafedrasının dosenti, 2018-2019-cu illərdə Təhsil Proqramlarının Akkreditasiyası Şurasının sədr müavini vəzifələrində çalışıb. 31 oktyabr 2020-ci il parlament seçkilərində “Gürcü Arzusu” onu partiya siyahısında 12-ci kimi təqdim edib.

“Hökumətimizin fəaliyyəti dövründə təhsil və elm istiqamətində çox işlər görülüb, lakin hələ də bir sıra problemlər var ki, onlara cəld reaksiyalar verilməli və həll edilməlidir. Şəxsən mən təhsil və elm sahəsi ilə məşğul olan bütün insanlarla - uşaqlar, onların valideynləri, əməkdar və ləyaqətli müəllimlərimiz, məktəb rəhbərliyi, professorlarımız, əlbəttə ki, gənclər və tələbələrimizlə, alimlərimizlə fəal ünsiyyətə başlayacağam. Bu gün bu sahədə qarşılaşdığımız problemləri və çətinlikləri müzakirə edərək, alacağımız əks rəylər doğrultusunda tez və sürətli qərarlar qəbul edəcəyik.

Biz davam edən tədris proqramı və təhsil resursları ilə məktəblərimizdə uşaqlarımız üçün ən yaxşısını təklif etmək istəyirik.

Əməkdar müəllimlər üçün layiqli şərait yaradacağıq ki, bu da peşənin təbliği üçün vacibdir. Biz, yüksək akademik göstəriciləri olan bütün motivasiyalı, seçilən və uğurlu tələbələrə mütləq, əlavə sosial, maliyyə və digər dəstək mexanizmləri təklif edəcəyik. Biz Avropa, Qərb və xarici universitetlərimizlə birlikdə ali və peşəkar təhsildə birgə, ikili proqramların həyata keçirilməsinə və tətbiqinə fəal dəstək verəcəyik. Təhsilin sərhədləri yoxdur və Avropa və Qərb təhsilinin Gürcüstana daxil olması üçün qapılarımızı geniş açmağımız vacibdir.

Mənim nazirliyim dövründə peşə təhsili prioritet istiqamət elan olunacaq. Yaxın gələcəkdə biz sizə bu sahəni necə transformasiya etmək niyyətində olduğumuz, işəgötürənlərə peşəkar təhsildə fəal olması üçün hansı konkret və asan mexanizmlər təklif edəcəyimiz barədə konkret baxış təqdim edəcəyik. Ötən illər ərzində əldə edilmiş nəticələr artıq bizə imkan verib ki, Gürcüstanın regionda təhsilin cəlbedici mərkəzinə çevrilməsi, Gürcüstana daha çox əcnəbi tələbə və professorların cəlb edilməsi istiqamətində fəal iş aparaq. Bu da birbaşa təhsilimizin keyfiyyətinin yüksəlməsinə və təhsilə investisiyaya bərabərdir.”, - deyə yeni təyin olunmuş nazir hökumət administrasiyasında keçirilən brifinqdə bildirib.

Gürcüstanın baş naziri İrakli Qaribaşvili Amilaxvarini təqdim etməzdən əvvəl keçmiş təhsil və elm naziri Mixeil Çxenkeli ilə görüşüb. Qaribaşvili nazirlik dövründə gördüyü işlərə görə Çxenkeliyə təşəkkür edib. Onun sözlərinə görə, Çxenkeli akademik fəaliyyətini davam etdirmək istəyib və o, Kutaisi Beynəlxalq Universitetinin beynəlxalq məsləhət şurasının sədri vəzifəsində çalışacaq.

Hökumətdə kadr dəyişikliyi və Mixeil Çxenkelinin təhsil naziri vəzifəsindən uzaqlaşdırılmasının əvvəlində 7-8 mart tarixlərində rus qanunlarına etiraz olaraq bir çox gənc və tələbənin iştirak etdiyi çoxminlik aksiyalar gəlib. Martın 8-də polis tərəfindən kütləvi şəkildə saxlanılmasına, xüsusi təyinatlılar tərəfindən gözyaşardıcı qaz, su şırnaqları və bibər qazı ilə dağıdılmasına baxmayaraq, gənclər bütün gecəni küçələrdə qalıblar.