Şimali Atlantika Alyansının (NATO) baş katibi Yens Stoltenberq yaxın vaxtlarda Gürcüstana səfər edəcək. O, bu barədə bu gün Brüsseldə keçirdiyi mətbuat konfransında bildirib.
Əsas xəbərlər
Stoltenberqin sözlərinə görə, Gürcüstan “NATO”nun dəyərli tərəfdaşıdır.
“Mən bir neçə dəfə Gürcüstanda olmuşam, tərəfdaşlığımızın gələcəkdə möhkəmlənməsi üçün yaxın vaxtlarda bu ölkəyə yenidən səfər edəcəyəm. Mənim Gürcüstana mesajım, əlbəttə ki, islahatlar vacibliyi bararədədir. “NATO” demokratiya və qanunun aliliyi dəyərlərinə əsaslanır. Təbii ki, Gürcüstanın Avroatlantik inteqrasiya yolunda bu standartlara əməl etməsi vacibdir”, - Yens Stoltenberq bildirib.
Alyansın baş katibi sonuncu dəfə 2019-cu ilin martında Gürcüstanda olub. O, “NATO”-Gürcüstan birgə təliminin gedişatı ilə tanış olub. Yens Stoltenberq Gürcüstanın baş naziri, prezident, parlament sədri və deputatlar ilə görüşüb.
