Tbilisi Dövlət Universitetinin ikinci korpusu yaxınlığında baş nazir İrakli Kobaxidzenin mühazirəsi ilə paralel keçirilən aksiya iştirakçılarına fiziki təzyiq göstərilib.
Əsas xəbərlər
Oxucunun seçimi
- 1 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 2 Parlamentin plenar iclasına kvorum olmadığı üçün başlanıla bilməyib
- 3 Qanuna tabe olmasalar, cərimələr, müsadirələr olacaq və işləyə bilməyəcəklər - Kaladze
- 4 Tələbə hərəkatının lideri Niko Manaqadzeyə TDU yaxınlığında hücum olunub
- 5 “Gürcü Legionu”nun komandiri Mamuka Mamulaşvili zəhərləndiyini bildirib
- 6 İyul ayından müəllimlərin maaşları artacaq
Qarşıdurma İrakli Kobaxidzenin qoruma, polis və “Gürcü Arzusu” gənclər təşkilatının nümayəndələrinin köməyi ilə TDU binasını tərk edərkən baş verib. Onu “qul” qışqırtıları ilə yola salıblar.
Aksiya iştirakçılarının dediyi kimi, səhər saat 9-da ikinci korpusa gələn “Kobaxidzenin dəstəsi”nin üzvləri onlara şifahi və fiziki təzyiqlər edib, sonra mühazirə qulaq asmağa aparıblar. TDU tələbələrinin özlərinin ikinci korpusa girişi məhdud olub.
“Baş nazir adlanan bu qorxaq adam universitetdən öz 50 nəfərlik mütəşəkkil “zonder” qrupu ilə birgə çıxdı. O, maşına minən kimi onlar çıxıb bura toplaşan tələbələrə hücum etməyə başlayıblar. Polis bunun qarşısını almaq üçün heç bir tədbir görmədi”, - “Azadlıq Uğrunda” tələbə hərəkatının yaradıcısı Niko Manaqadze deyir.
Şənbə günləri səhər saat 10-da İrakli Kobaxidze TDU-nun hüquq fakültəsinin tələbələri üçün mühazirə oxuyur. “Kobaxidzeni qarşıla” aksiyasını bir gün əvvəl Niko Manaqadze elan etmişdi. İştirakçılar “xarici agentlər” haqqında rus qanununun qəbuluna və “Gürcüstanın ruslaşdırılmasına” etiraz ediblər.
Kobaxidze aksiyaiştirakçıları ilə görüşmədən və jurnalistlərin suallarını cavablandırmadan universitetin ərazisini tərk edib.
Baş nazirin mühazirəsi ilə paralel olaraq TDU-nun ikinci korpusu yaxınlığında mütəmadi olaraq aksiya keçirilir. Aksiya iştirakçıları dəfələrlə hücuma məruz qalıblar.
