თბილისის სახელმწიფო უნივერსიტეტის მეორე კორპუსთან, პრემიერ-მინისტრ ირაკლი კობახიძის ლექციის პარალელურად გამართული აქციის მონაწილეებს ფიზიკურად გაუსწორდნენ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
დაპირისპირება მას შემდეგ მოხდა, რაც ირაკლი კობახიძემ თსუ-ს შენობა დაცვის, პოლიციის და „ქართული ოცნების“ ახალგაზრდული ორგანიზაციის წარმომადგენლების დახმარებით დატოვა. ის შეძახილებით „მონა“ გააცილეს.
როგორც აქციის მონაწილეები ამბობენ, მათ სიტყვიერი და ფიზიკური შეურაცხყოფა „კობახიძის ბანდის“ წევრებმა მიაყენეს, რომლებიც, მეორე კორპუსთან დილის 9 საათისთვის მივიდნენ, შემდეგ კი ლექციაზე შეიყვანეს. თავად თსუ-ს სტუდენტებს მეორე კორპუსში შესვლა შეზღუდული ჰქონდათ.
„უნივერსიტეტიდან რომ გამოვიდა პრემიერად წოდებული ეს მხდალი კაცი, გამოჰყვა თავისი ორგანიზებული 50-კაციანი ზონდერ დაჯგუფება. როგორც კი მანქანაში ჩაჯდა, გამოვარდნენ და აქ შეკრებილ სტუდენტებზე ანგარიშსწორება დაიწყეს. პოლიციას არანაირი ზომა არ მიუღია ამის აღსაკვეთად“, - ამბობს ნიკო მანაგაძე, სტუდენტური მოძრაობა „თავისუფლებისთვის“ დამფუძნებელი.
შაბათობით, დილის 10 საათზე, ირაკლი კობახიძე თსუ-ს იურიდიული ფაკულტეტის სტუდენტებისთვის ლექციას ატარებს. აქცია „დახვდი კობახიძეს“ ნიკო მანაგაძემ ერთი დღით ადრე დაანონსა. აქციის მონაწილეები ე.წ. უცხოეთის აგენტების“ შესახებ რუსული კანონის მიღებასა და „საქართველოს რუსეთიზაციას“ აპროტესტებდნენ.
კობახიძემ უნივერსიტეტის ტერიტორია ისე დატოვა, რომ არც აქციის მონაწილეებს შეხვდა და არც ჟურნალისტების შეკითხვებს უპასუხა.
პრემიერ-მინისტრის ლექციის პარალელურად, თსუ-ს მეორე კორპუსთან აქციები რეგულარულად იმართება. მონაწილეებს თავს არაერთხელ დაესხნენ.
