Tbilisidə “Tik-Tok”da dərc etdiyi videoya görə 2000 lari məbləğində cərimələnən vətəndaş, İrakli Miladze Avropa İnsan Haqları Məhkəməsinə müraciət edib. Miladze paytaxtda yaranmış kəskin tıxaclarla əlaqədar videoda insanların tıxacda dayandığı halda, ictimai nəqliyyat üçün ayrılmış zolaqda xidməti avtomobillərlə, o cümlədən qeyri-işgüzar məqsədlər üçün hərəkət edən mer və digər dövlət qurumlarının nümayəndələrini kobud şəkildə ifadə edib. Şəhər və apellyasiya məhkəmələri müəyyən edib ki, sosial şəbəkələr insanların toplaşdığı yerdir və orada söyüş söymək ictimai asayişi və əmin-amanlığı pozur. İrakli Miladze Gənc Hüquqşünaslar Assosiasiyasının köməyi ilə Avropa Konvensiyasının 10-cu maddəsinin - ifadə azadlığının pozulması ilə bağlı şikayət edib.
Əsas xəbərlər
Oxucunun seçimi
Videonu yüklədikdən bir müddət sonra şikayətçi evində izlənildiyini açıq elan edib, 2 gün sonra isə İnzibati Xətalar Məcəlləsinin xırda xuliqanlıq və hüquq-mühafizə orqanları əməkdaşlarına qarşı xidməti vəzifələrini yerinə yetirərkən şifahi təhqiri nəzərdə tutan 166 və 173-cü maddələri ilə saxlanılıb. Miladze 2 gün müvəqqəti saxlama təcridxanasında olub. O, saxlanıldıqdan sonra polis tərəfindən döyüldüyünü deyib.
Videoya görə Tbilisi şəhər məhkəməsi İrakli Miladzeni xırda xuliqanlıq və polis məmurunun qanuni tələbinə tabe olmamaq üçün inzibati xəta törətmiş şəxs kimi tanıyıb. Məhkəmə prosesində polis əməkdaşı bildirib ki, Miladze həbs zamanı hüquq-mühafizə orqanlarının əməkdaşlarına müqavimət göstərib. Apellyasiya Məhkəməsi də qərarı qüvvədə saxlayıb.
“Bu, Gürcüstanda onlayn ifadənin məhdudlaşdırıldığı yeganə hal deyil. Bir sıra digər işlərdə də belə qərarlar qəbul edilib. Deyə bilərik ki, bu, tendensiya halı alıb.
İnternetdə ictimai əhəmiyyət kəsb edən məsələlərlə bağlı belə fikir ifadəsinin məhdudlaşdırılması təhlükəli presedent və ifadə azadlığına əsassız müdaxilə yaradır ki, bu da cəmiyyətin digər üzvlərinə soyuqqanlı təsir göstərə bilər.
Ona görə də hesab edirik ki, Avropa İnsan Haqları Məhkəməsinin bu tip işləri müzakirə edib müvafiq qərar qəbul etməsi vacibdir. Müraciət edilən işdə söhbət ondan gedir ki, onlayn məkanda səslənən fərqli, tənqidi fikirlərin məhdudlaşdırılması və inzibati xəta kimi qiymətləndirilməsi olmaz. Bu cür məhdudiyyət Konvensiyanın 10-cu maddəsinin pozulmasıdır. İllərdir ki, biz İnzibati Xətalar Məcəlləsinin dəyişdirilməsini tələb edirik və bu tələb hələ də qüvvədədir. Təəssüf ki, bu məcəllədən istifadə etməklə ifadə və sərbəst toplaşma azadlığı məhdudlaşdırılır”, - Gənc Hüquqşünaslar Assosiasiyasının sədri Nona Kurdovanidze bildirib.
Bu mövzu haqqında: Məhkəmə “Tik-Tok” və “Facebook”da Kaladze və polisi təhqir edən vətəndaşları cərimələyib
