“Biz hamımız bilirik ki, təhlükəsizlik qüvvələrinin və bəzi dövlət məmurlarının maaşlarını çox çətin müharibə aparan, minlərlə həlak olanları bir kənara qoysaq, günü 500 milyon dollara başa gələn Rusiya maliyyələşdirir. Tutaq ki, hansısa mərhələdə Rusiya Federasiyası bizə maliyyə dəstəyi verə bilmədi və bu halda biz nə etməliyik? Hüquq-mühafizə orqanlarının normal fəaliyyət göstərə bilməyəcəyi bir vəziyyət yarana bilər, çünki iki min rubla (57 GEL) işləməyə çox az adam razı olardı.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
Mən heç kəsi qorxutmuram, amma biz müstəqil dövlətik və belə dövlət iqtisadi məzmunla dolu olmalıdır. İnkişafın əsas vektoru turizmdir.
Ona görə də mehmanxanaların tikintisi yaxşıdır, lakin 30-40 dəfə çox olmalıdır”, - deyə Rusiya tərəfindən işğal olunmuş Abxaziyanın de-fakto prezidenti Aslan Bjaniya iyulun 27-də Soxumidə, şəhərin de-fakto administrasiyasının nümayəndələri ilə görüşü zamanı bildirib.
Bjaniya əmindir ki, Abxaziyanın potensialı var, lakin bu o demək deyil ki, o işə yarayır. “Abxaziyanın iqtisadi suverenliyini” artırmaq üçün de-fakto prezident bir daha “Apart mehmanxanaları və mənzillərin hüquqi statusunun tənzimlənməsi haqqında” qanun layihəsinin təsdiq edilməsinin zəruriliyini vurğulayıb.
Onun sözlərinə görə, bu qanunun qəbulundan sonra mənzil-mehmanxanaların və mənzillərin tikintisi “Abxaziyanın iqtisadi suverenliyinin” möhkəmləndirilməsində mühüm amilə çevriləcək və hava limanının yenidən qurulması və “ölkənin qazlaşdırılması” kimi böyük layihələrin həyata keçirilməsində müsbət rol oynayacaq.
“Bizim dövlətimiz var, o müstəqildir. Dövlət qurumlarının işinin keyfiyyəti yüksəldilməlidir. Dövlət qulluqçularının kifayət qədər yüksək maaş alması və gələnlərin cibinə baxmaması çox vacibdir. Bütün bunlar yenə də büdcəmizin imkanlarından asılıdır”, - deyən Bjaniya iqtisadi məsələləri siyasiləşdirməməli olduğunu əlavə edib.
De-fakto prezidentin aparatının hazırladığı qanun layihəsi yaxın 10-12 il ərzində işğal olunmuş Abxaziyanın bütün ərazisində ümumilikdə 30 min mənzildən ibarət mənzil-mehmanxanaların tikintisini nəzərdə tutur.
De-fakto hökumət qanunun qəbul edilməsi halında aşağıdakıları təxmin edir:
- 2 milyon kv. metr yeni yaşayış sahəsi yaratmaq üçün 300 hektar torpaq sahəsi ayırılması;
- 2025-ci ilə qədər sərmayə kimi 160 milyard rubl (1,9 milyard dollar) cəlb etmək;
- Tikinti zamanı əmək haqqı şəklində 32 milyard rubl (380 milyon dollar) verilməsi;
- Büdcəyə vergisi kimi 10 milyard rubl (119 milyon dollar) gəlirin daxil edilməsi;
- Turizm biznesində 13 min yeni iş yerinin yaradılması;
- Mənzil haqlarından (1 kvadratmetr üçün 1000 rubl (12 dollar)) illik 2 milyard rubl (24 milyon dollar) gəlir əldə etmək;
- 30 min mənzilin tikintisi ilə turistlərin sayı 1,5 milyon artacaq ki, bu da işğal olunmuş regionda qazlaşdırma proqramının başlanmasına ümid verir (proqramın dəyəri 59 milyard rubl (700 milyon dollar).
Abxaziyanın ictimai təşkilatları və müxalifət nümayəndələri “mənzil-mehmanxanalrın və mənzillərin hüquqi statusunun tənzimlənməsi haqqında” qanun layihəsini kəskin tənqid edirlər.
“Bu qanunun qəbulu Abxaziyada demoqrafik tarazlığın pozulmasına, yeni assimilyasiya dalğasının başlamasına, siyasi gərginliyə səbəb olacaq və zaman keçdikcə Abxaziyanın müstəqil statusunun dəyişdirilməsi üçün zəmin hazırlayacaq”, - “Axyatsa” hərəkatı qanun layihəsini bu cür şərh edib və qondarma parlament üzvlərini bunu müzakirə etməkdən imtina etməyə çağırıb.
Qanun layihəsi qəbul olunarsa, de-fakto hökumət 1992-93-cü illərdə “Abxaziya Respublikasına qarşı” hərbi əməliyyatlarda iştirak etmiş şəxslərə mənzillərin alınmasını qadağan edəcək.
İyulun 26-da de-fakto Abxaziya Respublikasının parlamenti Moskva ilə Soxumi arasında imzalanmış sazişin ratifikasiyasını dəstəkləyib, nəticədə Soxuminin Babuşari aeroportu 49 il müddətinə rus şirkətlərinə veriləcək. Rusiya yarım əsrdir ki Abxaziya icmasının da əleyhinə olduğu Biçvinta unikal meşələrinin köçürülməsini tələb edir.
