Amerika Birləşmiş Ştatları Ali Məhkəmənin “Mtavari Arxi” teleşirkətinin təsisçisi və baş direktoru Nika Qvaramiyanın işi üzrə çıxardığı qərardan məyus olub. Bu barədə səfir Kelli Deqnan məlumat verib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Qanun dəyişdirilməsə, məsul şəxslərə və onların ailələrinə qarşı məhdudiyyətlər tətbiq olunacaq - O’Brayen
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
“Birləşmiş Ştatlar əvvəldən iş barədə, həbslərin vaxtı, ittihamların özləri və təbii ki, hökmlə bağlı narahatlığını bildirib. Biz dəfələrlə demişik ki, hətta belə bir məhkəmə qərarına müdaxilənin, siyasi müdaxilənin dərk edilməsi Gürcüstanın ədliyyə sisteminə, güclü və sağlam demokratiya üçün vacib olan məhkəmə sisteminin qərəzsizliyinə ictimai inama xələl gətirir.
Biz təbii ki, ümid edirdik ki, Ali Məhkəmə bu işdə problemləri görüb daha əsaslı qərara gələcəkdi. Onlar öz qərarlarını verdilər və əlbəttə ki, biz çox məyus olduq”, - amerikalı səfir jurnalistlərə bildirib.
Gürcüstan Ali Məhkəməsinin Levan Tevzadze, Merab Qabinaşvili və Nino Sandodzedən ibarət hakimlər kollegiyası Nika Qvaramiyanın işi üzrə apellyasiya məhkəməsinin çıxardığı hökmü qüvvədə saxlayıb. Məhkəmə həm Qvaramiyanın müdafiəsi, həm də ittiham tərəfinin kassasiya şikayətlərini qəbuledilməz hesab edib.
“Çoxsaylı hüquqi problemlərə baxmayaraq, belə rezonans doğuran işi hətta məqbul saymamağınız onu göstərir ki, bizim kassasiya şikayətimiz müstəqil və qərəzsiz məhkəmə tərəfindən qiymətləndirilməyib”, - Bu barədə Qvaramiyanın vəkillərindən biri Dito Sadzaqlişvili bildirib.
2022-ci il noyabrın 2-də Tbilisi Apellyasiya Məhkəməsinin kollegiyası Qvaramiyaya verilən 3,6 il həbs cəzasını qüvvədə saxladı. Apellyasiya Məhkəməsi birinci instansiyanın hökmünü qismən dəyişdirib. Xüsusilə, Qvaramiya “Rustavi 2” şirkətinə məxsus avtomobildən şəxsi məqsədlər üçün istifadə etdiyinə görə (vəzifə səlahiyyətlərindən sui-istifadə) son bir aydır ki, həbsdədir, çünki Tbilisi Şəhər Məhkəməsi 16 may 2022-ci il tarixli hökmü ilə onu cinayət işi üzrə təqsirli bilib. Ittihamın ikinci epizodu – “Rustavi 2”-yə 6.763.509 lari ziyan vurmaqla cəmi 50 min lari cərimə tətbiq edilib. Apellyasiya Məhkəməsi onu da bu epizoda görə həbs edib.
