Ali Məhkəmə “Mtavari Arxi” teleşirkətinin baş direktoru Nika Qvaramiyanın işi üzrə hökmü qüvvədə saxlayıb. Televiziya şirkətinin məlumatına görə, məhkəmə həm Qvaramiyanın müdafiə tərəfinin, həm də prokurorluğun kassasiya şikayətlərini qəbuledilməz hesab edib.
Əsas xəbərlər
“Bu günə olan məlumata görə, Nika Qvaramiya Gürcüstanın hər üç məhkəməsində iki epizod üzrə təqsirli bilinib və 3 il 6 ay müddətinə azadlıqdan məhrum edilib.
Bu qərarda təəccüblü heç nə yox idi, hamı bilir ki, Nika Qvaramiyanın işi siyasidir, Nika Qvaramiya siyasi təqibin qurbanıdır və biz məhkəmədən xüsusi bir şey gözləmirdik”, – Qvaramiyanın vəkillərindən Keti Çomakaşvili “Mtavar Arxi”yə deyib.
Nika Qvaramiyanın işinə Ali Məhkəmədə hakimlər kollegiyası (Levan Tevzadze, Merab Qabinaşvili və Nino Sandodze) baxmalı idi. Vəkillərin bildirdiyinə görə, yekun hökmün elan olunma müddəti iyunun 22-də başa çatır.
2022-ci il noyabrın 2-də Tbilisi Apellyasiya Məhkəməsinin Merab Jorbenadze, Lavrenti Mağlakelidze və Davit Mamiseişvilidən ibarət hakimlər kollegiyası Qvaramiyaya verilən 3,6 il həbs cəzasını qüvvədə saxlayıb. Lakin apellyasiya məhkəməsi birinci instansiyanın hökmünü qismən dəyişdirib. O cümlədən, Nika Qvaramiya haqqında “Rustavi 2” şirkətinə məxsus avtomobildən şəxsi məqsədlər üçün istifadə etdiyinə görə (vəzifə səlahiyyətlərindən sui-istifadə) həbs qətimkan tədbiri seçilib, çünki Tbilisi şəhər məhkəməsinin 16 may 2022-ci il tarixli hökmü ilə ona ittihamın ikinci epizodu üzrə “Rustavi 2”yə 6 763 509 lari ziyan vurmaq hissəsində ona 50 min lari məbləğində cərimə kəsilmişdi. Apellyasiya Məhkəməsi onun haqqında bu epizoda görə də həbs qətimkan tədbiri seçib.
“Nika Qvaramiyanın həbsi gürcü xalqının aydın seçimini və Gürcüstan liderlərinin bəyan etdiyi məqsəd – daha təhlükəsiz, demokratik, Avropa gələcəyini riskə atır,” – ABŞ-ın Gürcüstandakı səfirliyi apellyasiya məhkəməsinin Qvaramiya işi üzrə hökmünü belə şərh edib.
Avroparlamentarlar, o cümlədən beynəlxalq və yerli hüquq müdafiə təşkilatları Gürcüstan prezidenti Salome Zurabişvilini Nika Qvaramiyanı əfv etməyə çağırırlar.
“Mən tam məsuliyyəti öz üzərimə götürürəm və bunu edib-etməmək qərarına gəldikdə hərəkətə keçəcəyəm. Amma kənardan nə qədər az təzyiq olsa, əfv üçün bir o qədər yaxşıdır”, - Zurabişvili bir neçə gün əvvəl “Ukrainska Pravda”ya müsahibəsində bildirib
