Fransa prezidenti Emanuel Makron Ukraynanın hazırkı müharibədə məğlubiyyəti nəticəsində yarana biləcək təhlükələrdən danışıb. Onun sözlərinə görə, Rusiya prezident Vladimir Putinin başçılığı ilə orada qalib gəlsə, Ukrayna ilə kifayətlənməyəcək “düşmən”dir.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Ermənistan mətbuatı sərhədyanı Ciliza kəndinin Gürcüstana verilməsi barədə yazır
“Sizcə, Rusiya Ukraynada qalib gəlsə, polşalılar, litvalılar, estonlar, rumınlar və bolqarlar bir saniyə belə dinc ola biləcəklərmi? Əgər Rusiya bu müharibədə qalib gəlsə, Avropaya inam sıfıra enəcək”, - Makron Fransa telekanallarından birinə müsahibəsində bildirib.
Müsahibədən sonra verdiyi açıqlamada Fransa prezidenti qeyd edib ki, müharibədə qələbə qazanacağı təqdirdə Rusiya ərazi ambisiyalarından əl çəkməyəcək və bu, qonşu ölkələr üçün təhlükə yaradır.
“Rusiya genişlənmək istəyən gücə çevrilib və onun burada dayanmayacağı aydındır. Əgər biz Ukraynadan imtina etsək, Ukraynanın bu müharibədə məğlub olmasına imkan versək, Rusiya mütləq Moldovanı, Rumıniyanı, Polşanı təhdid edəcək”, - “The Telegraph” Fransa prezidentinin sözlərini sitat gətirib.
Fevralın sonunda Parisdə Ukraynaya dəstək mövzusunda keçirilən konfransda Emanuel Makron Qərb qoşunlarının Ukraynaya yerləşdirilməsi imkanını istisna etməyib. Makronun bəyanatı Fransa müxalifətinin liderləri tərəfindən tənqid edilib və “düşmənçilik” adlandırılıb. “Reuters” yazır ki, həftənin əvvəlində Makronun əsas rəqibi olan Mari Le Penin ifrat sağçı partiyası parlamentdə Fransanın Ukrayna ilə imzaladığı təhlükəsizlik müqaviləsini dəstəkləməkdən yayınıb, ifrat sol partiya isə bunun əleyhinə səs verib. Emanuel Makron müxalifətlə razılaşmadığını deyir.
“Bu gün Ukraynanı dəstəkləməkdən çəkinmək və ya onun əleyhinə səs vermək qərarı sülhü seçmək demək deyil. Bu uğursuzluğu seçməkdir. Bu başqa şeydir... Avropada müharibə genişlənərsə, günahkar Rusiya olacaq, amma zəif olmaq qərarına gəlsək, bu gün cavab verməməyi qərara alsaq, məğlubiyyəti seçmək olacaq və mən bunu istəmirəm”, – Makron dünənki müsahibəsində deyib.
Fransa prezidentinin sözlərinə görə, Avropanın qırmızı xətlər çəkməməsi vacibdir ki, bu, Rusiya üçün zəiflik əlaməti olacaq və onu Ukraynada daha da həvəsləndirəcək. Makron qoşunların Ukraynada yerləşdirilməsinin necə görünə biləcəyi barədə ətraflı məlumat verməkdən imtina edib.
“Mən bunu etmək istəmirəm. İstəyirəm ki, Rusiya bu müharibəni dayandırsın və öz mövqelərindən geri çəkilsin, sülhə nail olmaq imkanı versin”, - Makron bildirib.
Fransa prezidentinin sözlərinə görə, Ukrayna döyüş meydanında çətin vəziyyətdədir və müttəfiqlərin daha güclü dəstəyinə ehtiyac var.
