“Gürcüstan Naminə” partiyasının sədri, keçmiş baş nazir Qiorqi Qaxaria deyir ki, ölkə iqtisadiyyatı inkişaf edir, lakin artan iqtisadiyyat 20-25 ailənin cibinə gedir və o, bütün bunları əzbər bilir.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
“İnsanlar vəzifələrə, pul oğurluğuna, cəzasızlığa alışırlar. İndi evə o qədər şey aparıblar, bütün bunları necə qoruyub saxlamalı olduqlarını düşünürlər, həm də tutulmaqdan qorxurlar. Bu adamlar yoxa çıxmamalı, amma xarab etdikləri şeylərə görə cavab verməlidirlər! Suallar indi başlayacaq, kim nə qədər alıb, kim nə qədər oğurlayıb, kim nə qədər xarab edib”, - deyə Qaxariya seçicilərlə görüşündə bildirib.
Partiyanın siyasi katibi Kaxa Kemoklidzenin sözlərinə görə, “Qaxariyanın baş nazirliyi dövründə bu 20-25 ailə varlana bilməyib, sonra dayanıblar”.
“Bu adamlar tenderləri qazana bilmir, əvvəlcədən biznes sövdələşmələri təşkil edə bilmirdilər. Təkcə mən onların dayandırılmış və müvafiq olaraq hökumət administrasiyasının masasında təxirə salınan onlarla layihəsini xatırlayıram.
Biz gedəndə ilk etdikləri nə oldu? O oldu ki, bu layihələri geri qaytardılar və domino prinsipi ilə yaşıl dəhliz düzəltdilər.
Obyektiv korrupsiyaya qarşı mübarizə qurumu olsa və işləri araşdırsa, 1 lariyə çox qiymətli əmlakların verildiyi onlarla deyil, yüzlərlə işlə qarşılaşarlar. Təsəvvür edin ki, siz “Gürcü Arzusu”na və ya baş nazirə yaxın şəxssiniz və Gürcüstanın adi vətəndaşının əmlakını sizə 1 lariyə qanuniləşdirir, sonra onu müxtəlif manipulyasiyalarla sizin adınıza keçirirlər və sonra da siz bu əmlakı satırsınız. Siz artıq milyonlarla lari və dollara satırsınız. Bir anda milyonçu olursunuz.
Qaxariya baş nazir postunda əlindən gələni edirdi. O zaman Bidzina İvanişviliyə yaxın olan və bunu edən cəmi 5 ailə var idi. Bu 5 ailənin qapanmalı olduğu zaman, bu 5 ailə qapanırdı və ona görə də onlar metastaz olaraq dövlətin qalan orqanizminə daxil ola bilmirdilər. Virusu tam məğlub etmək üçün sistemə sahib olmaq lazımdır”, - Kemoklidze “Palitra” teleşirkətinin efirində deyib.
Qaxariyanın ittihamları “Gürcü Arzusu” tərəfindən demaqoqiya adlandırılıb.
Qiorqi Qaxariya 2017-2019-cu illərdə Gürcüstanın daxili işlər naziri olub. Onun nazir olduğu müddətdə, 2019-cu il iyunun 20-21-də Tbilisinin Rustaveli prospektində keçirilən nümayişi polis qəddarcasına dağıdıb. Etiraz Rusiya Dumasının deputatı Sergey Qavrilovun Tbilisiyə gəlməsi və Gürcüstan parlamentinin sədr tribunasından Beynəlxalq Pravoslav Assambleyasının sessiyasını aparmasından sonra baş verib. Qavrilov və Rusiya nümayəndə heyətinin digər üzvləri kütləvi aksiya və gərginlik səbəbindən Gürcüstanı tərk etməli olublar. Aksiyanın dağıdılması zamanı 30-u jurnalist olmaqla 240 nəfər yaralanıb, 2 nümayişçi görmə qabiliyyətini itirib. İctimai asayişi pozan və polisin tələbinə tabe olmayan 342 nəfər həbs edilib.
Etiraz aksiyasının dağıdılmasından sonra ictimaiyyətin əsas tələblərindən biri Qaxariyanın istefası olsa da, 3 ay sonra vəzifəsi yüksəldilərək baş nazir təyin edilib. O, 2021-ci il fevralın 18-də hökumət başçısı vəzifəsindən istefa verib. O, buna səbəb kimi “Gürcü Arzusu”nun hakim komandasının fərqli mövqe nümayiş etdirməsini, “Milli Hərəkat”ın sədri Nika Melianın həbsi ilə razılaşmadığını göstərib.
