Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib ki, 2008-ci ildə baş vermiş faciəli hadisələrin təkrarlanmamasının təminatı Tbilisi, Soxumi və Tsxinvali arasında güc tətbiq etməmək haqqında sazişin hazırlanması, eləcə də “dövlət sərhədlərinin” delimitasiyası prosesinin başlanmasıdır.
Əsas xəbərlər
2008-ci il Rusiya-Gürcüstan müharibəsinin 16-cı ildönümündə Mariya Zaxarova Gürcüstanın hakim partiyası olan “Gürcü Arzusu” kimi Mixeil Saakaşvilinin cinayətlərindən danışıb.
“Gürcüstanın eks-prezidentinin mülki əhali və Rusiya sülhməramlıları arasında çoxsaylı qurbanlarla nəticələnən bu cinayət avantürası Rusiyanı təcavüzkarı sülhə məcbur etməkdən, sonra isə Abxaziya və Cənubi Osetiyanı müstəqil dövlətlər kimi tanımaqdan başqa çarə qoymadı”, - Zaxarova dedi.
Mariya Zaxarova 2008-ci ildə Cenevrədə başlanan beynəlxalq müzakirələrin əhəmiyyətini vurğulayıb və qeyd edib ki, onun çərçivəsində yaradılmış mexanizm sayəsində “üç dövlətin sərhədlərində nisbi sülhü qorumaq və yaranmaqda olan gərginlik mərkəzlərini cilovlamaq mümkün olur”.
“Lakin biz hesab edirik ki, müzakirə iştirakçıları öz potensiallarından daha çox istifadə etməlidirlər, ilk növbədə, bir tərəfdən Tbilisi, digər tərəfdən Soxumi və Tsxinvali arasında güc tətbiq etməmək haqqında sazişin hazırlanmasına başlamalıdırlar.
Biz bu cür hüquqi öhdəlikləri öz üzərimizə götürməyi 2008-ci ilin avqustunda baş vermiş faciəli hadisələrin təkrarlanmasına qarşı etibarlı təminat hesab edirik. Gürcüstan-Cənubi Osetiya və Gürcüstan-Abxaziya dövlət sərhədlərinin növbəti demarkasiya və delimitasiyası prosesinin başlanması sərhədyanı ərazilərdə vəziyyətin sabitləşməsinə real töhfə verməlidir”, - Zaxarova bildirib.
Onun sözlərinə görə, bu vəzifələrin aktuallığı yalnız son vaxtlar artır, “çünki Vaşinqton və onun müttəfiqləri Rusiya sərhədlərində vəziyyəti gərginləşdirmək üçün regiondaxili ziddiyyətlərdən istifadə etmək səylərini gücləndirirlər”.
“Rusiya Cənubi Qafqazın taleyinə biganə qala bilməyənlərlə qarşılıqlı fəaliyyəti davam etdirməyə, o cümlədən davamlı sülhün bərqərar olması və regionda yığılmış digər problemlərin həlli üçün Tbilisi, Soxumi və Tsxinvali arasında dialoqun inkişafına hərtərəfli yardım göstərməyə hazırdır ki, uzunmüddətli sülh bərqərar olsun və onlar üçün ortaq regionda digər yığılmış problemlər həll olunsun”, - Mariya Zaxarova bildirib.
