Zuqdididə Mesxia küçəsində 14 yaşlı uşaq futbol meydançasında öldürülüb. Polis 2005-ci il təvəllüdlü azyaşlını ağırlaşdırıcı şəraitdə qəsdən adam öldürmə maddəsi ilə həbs edib.
Əsas xəbərlər
Daxili İşlər Nazirliyinin məlumatına görə, araşdırma zamanı müəyyən edilib ki, təqsirləndirilən şəxs soyuq silahla azyaşlının bədəninə bir sıra xəsarətlər yetirib. Yaralı xəstəxanaya çatdırılana qədər dünyasını dəyişib. Cinayət 16 ildən 20 ilədək və ya ömürlük həbslə cəzalandırılır.
Statistik məlumatlara görə, bu ilin yanvar-sentyabr aylarında qəsdən adam öldürmə ilə bağlı 49, adam öldürməyə cəhdlə bağlı 87 fakt qeydə alınıb.
Noyabrın 18-də Tbilisidə 36 yaşlı qadın öldürülüb. Polis 22 yaşlı gənci qəsdən adam öldürmə ittihamı ilə həbs edib. İstintaqın məlumatına görə, təqsirləndirilən şəxs Tbilisidə kirayədə qaldığı mənzildə yeni tanış olduğu qadının bədəninə bıçaqla bir neçə xəsarət yetirib. Qadın yerindəcə keçinib.
Həmin gün Kvareli rayonunun Şilda kəndində 25 yaşlı Qiqa Arcevnişvili öldürülüb. Qətlə yetirilən şəxsin həmkəndlisi olan 37 yaşlı kişi qətl törətməkdə ittiham edilərək həbs edilib. Aldığı xəsarətlərə görə o, Telavi xəstəxanasına yerləşdirilib.
Oktyabrın 30-da polis 33 yaşlı kişini 26 yaşlı gənci qəsdən öldürməkdə ittiham edərək həbs edib. Daxili İşlər Nazirliyinin məlumatına görə, istintaq zamanı müəyyən edilib ki, təqsirləndirilən şəxs qarşılıqlı mübahisə zəminində tanışına bıçaqla çoxsaylı xəsarətlər yetirib. Yaralılar yerindəcə keçiniblər.
Oktyabrın 27-də Sığnaqi rayonunda 35 yaşlı kişi 34 yaşlı bacısını qətlə yetirib. İstintaq zamanı müəyyən edilib ki, təqsirləndirilən şəxs sərxoş vəziyyətdə olub.
Oktyabrın 9-da Telavidə 22 yaşlı Tornike Qamxvetelaşvili qeydiyyatsız nikahda olan həyat yoldaşı Mariam Qamtskitulaşvilini öldürüb. Tornike Qamxvetelaşvili qətldən 2 gün əvvəl məişət zorakılığı ittihamı ilə polis tərəfindən saxlanılıb. Prokurorluq onun barəsində həbs-qətimkan tədbiri seçilməsini tələb etsə də, Telavi rayon məhkəməsinin hakimi Mamuka Tsiklauri 2000 lari məbləğində girov təmin edərək onu həbsdən azad edib.
Həmin gün Tbilisinin Vaja-Pşavela prospektində yerləşən yaşayış binasının mənzilində qadın meyiti tapılıb. Polis əvvəllər qəsdən adam öldürmə ittihamı ilə məhkum olunmuş 39 yaşlı kişini həbs edib. Daxili İşlər Nazirliyindən verilən məlumata görə, araşdırma zamanı müəyyən edilib ki, təqsirləndirilən P.P. qisas məqsədi ilə kirayədə yaşadığı mənzildə O.P.-ya fiziki xəsarətlər yetirib, nəticədə qadın hadisə yerində ölüb.
Oktyabrın 7-də Tbilisinin Mirian Mepe prospektində yerləşən mənzildə 40 yaşlı M.S.-nin meyiti tapılıb və həmin mənzilin kirayəçisi, əcnəbi vətəndaş, 20 yaşlı İ.Z. qətl ittihamı ilə həbs edilib. Prokurorluğun məlumatına görə, təqsirləndirilən şəxs bıçaqla qadının bədəninin müxtəlif nahiyələrinə xəsarət yetirib, nəticədə qadın hadisə yerində ölüb.
Bir neçə gün əvvəl Tbilisi və vilayətlərin polis idarələrinin rəhbərləri ilə işgüzar görüşdə daxili işlər naziri Vaxtanq Qomelauri bildirib ki, bu il cinayətlərin müəyyən növlərinin sayı azalıb, eyni zamanda onların açılması göstərişi artıb.
