11 აპრილიდან 25 აპრილის ჩათვლით, შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზაზე, მიმდინარე სარეაბილიტაციო სამუშაოების გამო, ყველა სახის ავტოტრანსპორტის მოძრაობა აიკრძალება.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
საავტომობილო გზების დეპარტამენტში განაცხადეს, რომ ამ პერიოდში, საუღელტეხილო მონაკვეთზე, მეწყერულ უბნებზე განხორციელდება სადრენაჟე სისტემის მოწყობა და სუსტი გრუნტების გამოცვლა.
„სამუშაოების სპეციფიკიდან გამომდინარე, აუცილებელია საავტომობილო გზის დაჭრა 3-4 მეტრამდე, რაც ვერ უზრუნველყოფს ავტოტრანსპორტის განვლადობას. ბოდიშს ვუხდით მოსახლეობას შექმნილი დისკომფორტისთვის“, - განაცხადა პავლე გამყრელიძემ, საავტომობილო გზების დეპარტამენტის თავმჯდომარის მოადგილემ.
გომბორის გზის გახსნამდე, ავტოტრანსპორტი საერთაშორისო მნიშვნელობის თბილისი-ბაკურციხე-ლაგოდეხის საავტომობილო გზის გავლით იმოძრავებს.
ვაზიანი-გომბორი-თელავის საავტომობილო გზაზე რეაბილიტაცია 33.6 კილომეტრიან მონაკვეთს უტარდება. პროექტით გათვალისწინებულია გზის სავალი ნაწილის სრული რეაბილიტაცია, ასფალტ-ბეტონის საფარის დაგება, 6 ხიდის რეაბილიტაცია, ახალი წყალგამტარი მილებისა და რკინაბეტონის ქვედა და ზედა საყრდენი კედლის მოწყობა. რეაბილიტაცია უკვე ერთი წელია მიმდინარეობს და შემოდგომაზე უნდა დასრულდეს. პროექტისთვის სახელმწიფო ბიუჯეტიდან 66 700 000 ლარი გამოიყო.
