თბილისში, ინგოროყვას კლინიკაში რჩება 16 წლის გოგონა, რომელიც გუშინ, დედოფლისწყაროს ახლად აშენებულ ცენტრალურ პარკში, ხელოვნურ ტბაში შეუძლოდ გახდა. მისი ჯანმრთელობის მდგომარეობა მძიმეა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
ადგილობრივების ინფორმაციით, გოგონა სხვა მოზარდებთან ერთად ხელოვნურ ტბაში ბანაობდა, როდესაც ცუდად გახდა. ადგილზე გამოძახებულმა სასწრაფო სამედიციონო დახმარების ეკიპაჟმა ის ადგილობრივ სამედიცინო დაწესებულებაში გადაიყვანა.
კლინიკის ხელმძღვანელმა ხათუნა აგლაძემ „საქართველოს ამბებს“ უთხრა, რომ მათთან მიყვანის დროს გოგონა უგონო მდგომარეობაში იყო და გულის მუშაობა 40 წუთში აღუდგინეს, რის შემდეგაც კატასტროფის ბრიგადამ კომატოზურ მდგომარეობაში თბილისში გადაიყვანა. შეკითხვაზე, რამ გამოიწვია კომატოზური მდგომარეობა, ექიმმა განაცხადა, რომ „დახრჩობამ“.
დედოფლისწყაროს ცენტრალური პარკის რეაბილიტაცია, რომელიც 14 მილიონ ლარზე მეტი დაჯდა, პრემიერ-მინისტრის ინიციატივით დაწყებული პროგრამის „განახლებული რეგიონები“ ფარგლებში 2023 წლიდან მიმდინარეობდა. პროექტს შპს „რებილდი“ ახორციელებდა. კომპანიაში ამბობენ, რომ სამუშაოები 25 ივლისს დაასრულეს, თუმცა მუნიციპალური განვითარების ფონდს ჯერ არ ჩაუბარებია. იგივეს აცხადებენ შპს „სამეცნიერო-საპროექტო ტექნოლოგიური საწარმო ინდუსტრიაში“, რომელსაც სამუშაოებზე ზედამხედველობა ევალებოდა.
ცენტრალურ პარკში ერთ ჰექტარ ტერიტორიაზე გაკეთებულ ხელოვნური ტბა დეკორატიული დანიშნულებისაა, თუმცა როგორც ადგილობრივები ამბობენ, იქ ხშირად ბანაობდნენ. ვინ იყო პასუხისმგებელი პარკში უსაფრთხოების დაცვაზე, უცნობია. დედოფლისწყაროს მერიაში თავს არიდებენ მომხდართან დაკავშირებით ყოველგვარი კომენტარის გაკეთებას.
პოლიცია გამოძიებას სისხლის სამართლის კოდექსის 115-ე მუხლით აწარმოებს, რაც თვითმკვლელობამდე მიყვანას გულისხმობს.
