ნიდერლანდების ელჩმა საქართველოში, მელინე არაკელიანმა პლატფორმა X-ზე საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძის მიერ გამოქვეყნებულ განცხადებას, თითქოს, ევროკომისიის გაფართოების ანგარიში საქართველოს წინსვლას ადასტურებს, ამავე პლატფორმაზე უპასუხა, რომ „ეს ასე არ არის“.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 სოზარ სუბარი პოლიციელების ხელფასების 20%-ით გაზრდას ითხოვს
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 „ძლიერი საქართველოს“ წევრები ვეფხია კასრაძე და ვასილ კაძელაშვილი დააკავეს
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„ევროკომისიის გაფართოების ანგარიში საქართველოს შესახებ აღნიშნავს ბოლო 12 თვის განმავლობაში პროგრესის სხვადასხვა დონეს გაფართოების 35 თავიდან 25-ში. ამრიგად, მრავალი ბრალდებისა და სპეკულაციის საწინააღმდეგოდ, საქართველოს პროგრესი აქვს ევროკავშირის გზაზე და ჯერ კიდევ უსწრებს ბოსნია და ჰერცეგოვინას, მოლდოვასა და უკრაინას ფუნდამენტური უფლებების თავში“, - დაწერა „ქართული ოცნების“ დეპუტატმა.
მალინე არაკელიანმა ნიკოლოზ სამხარაძის განცხადება შემდეგი ტექსტით გააზიარა:
„არა, ბატონო სამხარაძე. ეს ასე არ არის. საქართველო არ პროგრესირებს ევროკავშირის გზაზე, სანამ დემოკრატიისა და ფუნდამენტური უფლებების სფეროში უკანდახევაა. ამის გამო შეჩერებულია საქართველოს ევროკავშირში გაწევრიანების პროცესი“.
ევროკავშირის გაფართოების შესახებ ყოველწლიურ ანგარიშში, რომელიც 30 ოქტომბერს გამოქვეყნდა, ევროკომისია აცხადებს, რომ საქართველოს გაწევრიანების პროცესი დე ფაქტო შეჩერებულია, რის მიზეზადაც საქართველოს მთავრობის ქმედებებს, მათ შორის, „უცხოელი აგენტების“ და ანტი-ლგბტქ კანონების მიღებას ასახელებს. ევროკომისია ამბობს, რომ არ გაუწევს რეკომენდაციას საქართველოსთან გაწევრიანებიაზე მოლაპარაკებების დაწყებას, თუ ქვეყანა კურსს არ შეიცვლის.
