აშშ-მა საქართველოს ყოფილ მთავარ პროკურორს, ოთარ-ფარცხალაძეს სანქციები დაუწესა. სახელმწიფო დეპარტამენტის დოკუმენტში ფარცხალაძე მოხსენიებულია როგორც ქართველი-რუსი ოლიგარქი, რომელთანაც რუსეთის უშიშროების ფედერალური სამსახური [ეფესბე] მუშაობდა, რათა რუსეთის სასარგებლოდ გავლენა მოეხდინა ქართულ საზოგადოებასა და პოლიტიკაზე.
ახალი ამბები
მკითხველის რჩეული
- 1 14 წლის აითაჯ შახმაროვას მკვლელობაში ბრალდებულ ე.წ. ქმარს უვადო პატიმრობა მიუსაჯეს
- 2 კაშია: მსურს მადლობა გადავუხადო ბიძინა ივანიშვილს ჩვენი შრომის დაფასებისთვის
- 3 პროკურატურამ ჟურნალისტი გელა მთივლიშვილი მისი დაკავების საქმეზე დაზარალებულად ცნო
- 4 აშშ-საქართველოს სამხედრო სწავლება „ღირსეული პარტნიორი“ გაურკვეველი ვადით გადაიდო
- 5 ჭიდაობაში მსოფლიო ჩემპიონი ნუგზარ წურწუმია გარდაცვლილი იპოვეს
- 6 1,4 მლნ ადამიანია დღეს დასაქმებული, ისტორიული რეკორდია 90-იანი წლების შემდეგ - პრემიერი
აშშ-მა, საქართველოში რუსეთის საზიანო გავლენის საპასუხოდ, ფარცხალაძესთან ერთად, რუსეთის დაზვერვის ოფიცერი ალექსანდრ ონიშჩენკოც დაასანქცირა.
„უშიშროების ფედერალური სამსახურის (FSB) ოფიცერი ონიშჩენკო თავის თანამოაზრე ფარცხალაძეს სავარაუდოდ დაეხმარა რუსული პასპორტის და შესაძლოა რუსეთის მოქალაქეობის მოპოვებაში. ფარცხალაძემ სრულად მიიღო რუსული იდენტობა და რეგულარულად დადის რუსეთში. ონიშჩენკომ და FSB-მ გამოიყენეს ფარცხალაძე ქართულ საზოგადოებასა და პოლიტიკაზე გავლენის მოსახდენად რუსეთის სასარგებლოდ. გავრცელებული ინფორმაციით, ფარცხალაძე პირადად სარგებლობს FSB-თან თავისი კავშირით“, - ნათქვამია სახელმწიფო დეპარტამენტის განცხადებაში.
სახელმწიფო დეპარტამენტმა რუსეთში მოქმედი ორი კომპანიაც დაასანქცირა, რომელთა 50-50%-იანი წილი ფარცხალაძეს ეკუთვნის. ეს შპს-ებია Moscow Business Brokerage-ი და International Business Corporation-ი.
აშშ-ის ხაზინის საგარეო აქტივების კონტროლის ოფისმა ფარცხალაძე და მისი კომპანიები სანქცირებულთა სიაში დღეს, 14 სექტემბერს დაამატა.
„საქართველოს ამბებმა“ 2023 წლის 14 თებერვალს დაწერა, რომ საქართველოს ყოფილი მთავარი პროკურორი კომპანია „მოსკოვსკი ბიზნეს ბროკერიჯ“-ის (იგივე Moscow Business Brokerage-ის) საშუალებით კლიენტებს სთავაზობს საინვესტიციო ბიზნეს პროექტებს საიმიგრაციო შეღავათებით, მათ შორის, საქართველოში. საიმიგრაციო შეღავათებში იგულისხმება ინვესტიციების მეშვეობით მუდმივი ბინადრობის, სამუშაო ვიზისა და მოქალაქეობის მიღება.
ოთარ ფარცხალაძე საქართველოს მთავარ პროკურორად მუშაობდა 2013 წლის 21 ნოემბრიდან დეკემბრის ჩათვლით. მანამდე ის ფინანსთა სამინისტროს საგამოძიებო სამსახურს ხელმძღვანელობდა.
