ბათუმში მშენებლობაზე დასაქმებული 17 წლის ბიჭი სიმაღლიდან ჩამოვარდნის შედეგად დაიღუპა. შემთხვევა დღეს, 12 ივლისს მოხდა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
არასრულწლოვანი ლეონიძის 15-ში მდებარე ბათუმის შოთა რუსთაველის სახელმწიფო უნივერსიტეტის საერთო საცხოვრებლის სახურავის შეკეთებაში მონაწილეობდა, რა დროსაც ჩამოვარდა. ადგილზე მისულ სასწრაფო დახმარების ბრიგადას ბიჭი გარდაცვლილი დახვდა.
შინაგან საქმეთა სამინისტროში განაცხადეს, რომ მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესების დარღვევას გულისხმობს.
ბსუ-ს სტუდენტთა საცხოვრებელი კორპუსის ფასადის რეაბილიტაციისა და სახურავის მოწყობის სამუშაოებს შპს „ალიგატორი 1“ ასრულებს. სახელმწიფო უნივერსიტეტსა და კომპანიას შორის 330 ათასი ლარის ღირებულების ხელშეკრულება აპრილში გაფორმდა.
