გორის დროებითი მოთავსების იზოლატორიდან გაათავისუფლეს „რესტო ბარის“ მეპატრონე და ანტირუსული აქციების მონაწილე იოსებ ბაბაევი. პროკურატურამ მას ბრალი ვეღარ წარუდგინა, რადგან მოსამართლე ლევან დარბაიძემ დღეს უკანონოდ ცნო პოლიციის მიერ ჩატარებული ყველა საგამოძიებო მოქმედება და იარაღი, რომელიც თითქოს ბაბაევის მანქანიდან ამოიღეს, დაუშვებელ მტკიცებულებად მიიჩნია.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
პროკურატურას ბაბაევისთვის ბრალის წარდგენის ვადა დღეს, საღამოს ეწურებოდა, რადგან ის ორი დღის წინ დააკავეს.
გორის რაიონული პროკურატურა აპირებს სააპელაციო სასამართლოში გაასაჩივროს მოსამართლის გადაწყვეტილება და ჩატარებული ჩხრეკის კანონიერად ცნობა მოითხოვოს. ბაბაევი ისე გაჩხრიკეს, რომ პოლიციელების გარდა ამ პროცესს არავინ ესწრებოდა და საქმეში არც ჩხრეკის პროცესის ვიდეომასალა არსებობს. ამასთან, ბაბაევს სხეულის დაზიანებები აქვს მიღებული. მან თქვა, რომ პოლიციელები ფიზიკურად გაუსწორდნენ.
ბაბაევის განცხადების საფუძველზე გამოძიება დაიწყო სპეციალურმა საგამოძიებო სამსახურმა, სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით, რაც გულისხმობს სამსახურებრივი უფლებამოსილების გადამეტებას, ძალადობით ან იარაღის გამოყენებით.
მოსამართლე ლევან დარბაიძემ ბაბაევს განუმარტა, რომ მას უფლება აქვს, მოითხოვოს უკანონო ჩხრეკის შედეგად მიყენებული ზიანის ანაზღაურება.
ბაბაევი 4 ივნისს, საღამოს დააკავეს. მას სისხლის სამართლის კოდექსის 236-ე მუხლით გათვალისწინებული დანაშაულის ჩადენას ედავებიან, რაც გულისხმობს იარაღის უკანონოდ შეძენა-შენახვა-ტარებას და 2 წლამდე თავისუფლების აღკვეთით ისჯება.
იოსებ ბაბაევი რუსული კანონის საწინააღმდეგო აქციების აქტიური მონაწილეა. ის თავის რესტორანში შესვლას უკრძალავს მნიშვნელოვან კორუფციულ საქმიანობაში ჩართულობისთვის, აშშ-ის მიერ დასანქცირებულ მოქმედ და ყოფილ მოსამართლეებს - მიხელ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს. რუსეთის მიერ უკრაინაში ომის დაწყების შემდეგ, ბაბაევი რამდენჯერმე დაეხმარა უკრაინაში მყოფ ქართველ მებრძოლებს.
