შინაგან საქმეთა სამინისტრო ადასტურებს გავრცელებულ ინფორმაციას შოვში, სტიქიის ზონაში, პოლიციელის გარდაცვალების შესახებ. შსს-ს ცნობით, გარდაცვლილი ამბროლაურის რაიონული საამართველოს საგამოძიებო განყოფილების გამომძიებელი, 1975 წელს დაბადებული მირიან ჭელიძეა.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 5 მთავრობამ იუსტიციის სახლისთვის ფართი „ოცნების“ შემწირველისგან წლიურად 704 880 ლარად იქირავა
- 6 2025 წლიდან გიორგი მამარდაშვილი „ლივერპულის“ მეკარე გახდება
პოლიციის მაიორი სამსახურებრივ მოვალეობას ასრულებდა.
„იგი სტიქიური უბედურების ზონაში მიმდინარე სამაშველო ღონისძიებების ფარგლებში იცავდა საზოგადოებრივ წესრიგს, რა დროსაც შეუძლოდ გახდა და საავადმყოფოში მიყვანამდე გზაში გარდაიცვალა. შინაგან საქმეთა სამინისტრო მირიან ჭელიძის გარდაცვალების გამო, თანაუგრძნობს გარდაცვლილის ოჯახს, ახლობლებს და თანამშრომლებს“, - ნათქვამია შს სამინისტროს მიერ გავრცელებულ განცხადებაში.
პოლიციელის გარდაცვალების შესახებ ინფრომაცია თავდაპირველად სოციალურ ქსელში, ერთ-ერთი გვერდის მიერ გავრცელდა. ადგილობრივების მიერ მიწოდებულ ინფორმაციაზე დაყრდნობით წერდნენ, რომ შოვიდან სოფელ ნაკიეთში ჩასულ პოლიციელს იქაური მაცხოვრებლის სახლის კართან გული გაუჩერდა.
მეოთხე დღეა კურორტ შოვის ტერიტორიაზე საძიებო-სამაშველო ღონისძიებები მიმდინარეობს. სამუშაოებში ჩართული არიან საგანგებო სიტუაციების მართვის სამსახურის მეხანძრე- მაშველები, პოლიციის დანაყოფები, კინოლოგთა ჯგუფი, დრონები, სპეცტექნიკა და სასაზღვრო პოლიციის ვერტმფრენი.
3 აგვისტოს კურორტის ტერიტორიაზე მოვარდნილმა ღვარცოფმა სულ მცირე 18 ადამიანის სიცოცხლე იმსხვერპლა. 16 ამ დრომდე დაკარგულად მიიჩნევა.
