გორელმა ბიზნესმენმა და ყოფილმა მოკრივემ, გიორგი კანდელაკმა დააფუძნა არაკომერციული ორგანიზაცია, რომლის ერთ-ერთი მიზანი საზოგადოებისთვის „სტალინის ფენომენის გაცნობაა“. ამის შესახებ ინფორმაცია თავდაპირველად ადგილობრივმა გამოცემა „მოზაიკამ“ გაავრცელა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„სტალინის ფონდი 2024“ საჯარო რეესტრმა წლის დასაწყისში დაარეგისტრირა. მისი დირექტორი თავად გიორგი კანდელაკია, ხოლო დამფუძნებლებს შორის ზურაბ მარღიშვილი და ბორის მდინარიძეც არიან.
სარეგისტრაციო დოკუმენტების მიხედვით, ორგანიზაციის საქმიანობის მიზნებია: სტალინის ისტორიის შესწავლა, სტალინის ფენომენის გაცნობა საზოგადოებისთვის და ფინანსური სახსრების მიძიება კულტურული ღონისძიებების მოწყობისთვის. საჯარო რეესტრში თავდაპირველად წარდგენილ დოკუმენტში ერთ-ერთ მიზნად, „კულტურული ღონისძიებების მოწყობის“ ნაცვლად, მითითებული იყო „სტალინის დებატების გამართვა ტელევიზიებსა და პრესაში“.
გიორგი კანდელაკი ამჟამად საქართველოში არ იმყოფება და ვერ ვკითხეთ, რა ღონისძიებები განახორციელა „სტალინის ფონდმა“ გასული თვეების განმავლობაში.
2021 წელს გიორგი კანდელაკმა სამაუწყებლო კომპანია, შპს „სეზონი ტვ“ დააფუძნა, რომლის დირექტორი და 100%-იანი წილის მესაკუთრე თავადაა. „მედიის განვითარების ფონდის“ ანგარიშის მიხედვით, „სეზონი ტვ“-ს გამოკვეთილად კრემლისტური სარედაქციო პოლიტიკა აქვს და ანტიდასავლური გზანილებით გამოირჩევა. არხის ერთ-ერთი სახე და გადაცემა „დღის შეჯამების“ წამყვანი პრორუსი ნიკოლოზ მჟავანაძეა.
გარდა ამისა, გიორგი კანდელაკი ქალაქ გორში ფლობს რესტორანს, რომელსაც საბჭოთა დიქტატორის პატივსაცემად „ჟოზეფი“ დაარქვა.
