Գորեցի գործարարը Ստալինի ֆենոմենը հանրահռչակելու համար հիմնադրամ է ստեղծել

«Ստալինի հիմնադրամ 2024»-ը հանրային ռեգիստրի կողմից գրանցվել է տարեսկզբին։ Հիմնադրամի տնօրենը հենց Գիորգի Կանդելակին է, իսկ հիմնադիրներից են Զուրաբ Մարգիշվիլին և Բորիս Մդինարիձեն։

Ըստ գրանցման փաստաթղթերի՝ կազմակերպության գործունեության նպատակներն են՝ ուսումնասիրել Ստալինի պատմությունը, հանրությանը ներկայացնել ստալինյան ֆենոմենը և մշակութային միջոցառումների կազմակերպման համար հայթայթել ֆինանսական միջոցներ։ Հանրային ռեգիստրին ի սկզբանե ներկայացված փաստաթղթում նպատակներից մեկը «մշակութային միջոցառումներ կազմակերպելու» փոխարեն «Ստալինի բանավեճեր անցկացնելն էր հեռուստատեսությամբ և մամուլում»։

Գիորգի Կանդելակին ներկայում Վրաստանում չէ, և մենք չկարողացանք հարցնել, թե «Ստալինի հիմնադրամը» ի՞նչ գործունեություն է իրականացրել անցած ամիսների ընթացքում։

2021 թվականին Գիորգի Կանդելակին հիմնել է «Սեզոն TV» ՍՊԸ հեռարձակող ընկերությունը, որի տնօրենն ու 100%-անոց սեփականատերը հենց ինքն է։ Ըստ «Մեդիայի զարգացման հիմնադրամի» հաշվետվության՝ «Սեզոն TV»-ն ունի հստակ ռուսական խմբագրական քաղաքականություն և առանձնանում է իր հակաարևմտյան մոտեցմամբ։ Ալիքի դեմքերից մեկը և «Օրվա ամփոփում» հաղորդաշարի վարողը ռուսամետ Նիկոլոզ Խավանաձեն է։

Բացի այդ, Գիորգի Կանդելակին Գորի քաղաքում ռեստորան ունի, որը նա անվանել է «Ժոզեփ»՝ ի պատիվ խորհրդային բռնապետի։