ამერიკის შეერთებული შტატების პრეზიდენტმა ჯო ბაიდენმა, 13 თებერვალს, საქართველოში საგანგებო და სრულუფლებიანი ელჩის თანამდებობაზე რობინ დანიგენის კანდიდატურა წარადგინა.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 5 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 6 2025 წლიდან გიორგი მამარდაშვილი „ლივერპულის“ მეკარე გახდება
თეთრი სახლის განცხადებით, რობინ დანიგენი ამჟამად სახელმწიფო დეპარტამენტის ევროპისა და ევრაზიის ბიუროში, ცენტრალური და აღმოსავლეთ ევროპის საკითხებში სახელმწიფო მდივნის თანაშემწის მოადგილის თანამდებობას იკავებს. მანამდე ის ავსტრიაში აშშ-ის საელჩოში საქმეთა დროებითი რწმუნებული და მისიის უფროსის მოადგილე იყო. უფრო ადრე, რობინ დანიგენი ენერგეტიკული რესურსების ბიუროში მდივნის თანაშემწის მოადგილის თანამდებობაზე მუშაობდა. სხვადასხვა დროს მივლენილი იყო აშშ-ის საელჩოებში ვიეტნამში, ჩილეში, თურქეთში, კუბასა და ელ სალვადორში.
ვაშინგტონში დანიგენის სამუშაო მოიცავს ენერგეტიკის ბიუროში ევროპის, დასავლეთ ნახევარსფეროსა და აფრიკის ოფისის დირექტორის თანამდებობას, ასევე უკავია თანამდებობები ახლო აღმოსავლეთის საქმეთა ბიუროში და სახელმწიფო მდივნის აპარატის აღმასრულებელ სამდივნოში.
დანიგენი არის სახელმწიფო დეპარტამენტის მრავალი ჯილდოს მფლობელი, მათ შორის, მიღებული აქვს ორი ჯილდო უმაღლესი საგარეო სამსახურისთვის.
რობინ დანიგენი კალიფორნიიდანაა. „ომის ეროვნულ კოლეჯში“ მიღებული აქვს მეცნიერებათა მაგისტრის ხარისხი. გარდა ამისა, ფლობს მეცნიერების მაგისტრის ხარისხს ჯორჯთაუნის უნივერსიტეტიდან და მეცნიერების ბაკალავრის ხარისხს ბერკლის კალიფორნიის უნივერსიტეტიდან. ფლობს ინგლისურ, ესპანურ და გერმანულ ენებს.
აშშ-ის კონსტიტუციის მიხედვით, პრეზიდენტის მიერ საგანგებო და სრულუფლებიანი ელჩის თანამდებობაზე წარდგენილი კანდიდატურა შეერთებული შტატების სენატმა უნდა დაამტკიცოს.
საქართველოში ამერიკის შეერთებული შტატების ელჩის თანამდებობას 2020 წლის 29 იანვრიდან კელი დეგნანი იკავებს. უმეტეს შემთხვევაში, ელჩების უფლებამოსილების ვადა დაახლოებით სამი წელია.
