ქარელის რაიონში, ავტობანზე მომხდარი ავტოსაგზაო შემთხვევის შედეგად საპატრულო პოლიციის დეპარტამენტის თანამშრომლები პოლიციის მაიორი, 51 წლის ომარ ქარელი და პოლიციის უფროსი ლეიტენანტი, 31 წლის ვანო ბასანიძე დაიღუპნენ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
შინაგან საქმეთა სამინისტროს ინფორმაციით, საავტომობილო გზის გვერდულზე მდგომ საპატრულო პოლიციის ეკიპაჟს არაფხიზელ მდგომარეობაში მყოფი, დიდი სიჩქარით მოძრავი მძღოლი დაეჯახა. ავტომანქანაში მსხდომი საპატრულო პოლიციის თანამშრომლები ადგილზე გარდაიცვალნენ.
სამართალდამცველებმა 31 წლის, წარსულში ნასამართლევი გ.ლ. დააკავეს. გამოძიება სისხლის სამართლის კოდექსის 276-ე მუხლის მე-9 ნაწილით მიმდინარეობს, რაც გულისხმობს ალკოჰოლის ზემოქმედების ქვეშ ტრანსპორტის მოძრაობის უსაფრთხოების წესის დარღვევას, რამაც ორი ადამიანის სიცოცხლის მოსპობა გამოიწვია. დანაშაული 8-დან 12 წლამდე თავისუფლების აღკვეთით ისჯება.
შსს-ს სტატისტიკური მონაცემების მიხედვით, 2023 წლის პირველ კვარტალში საქართველოში 1153 საგზაო-სატრანსპორტო შემთხვევა მოხდა, რის შედეგადაც დაიღუპა 93 და დაშავდა 1480 ადამიანი.
