პრემიერ-მინისტრმა ირაკლი კობახიძემ და პარლამენტის თავმჯდომარე შალვა პაპუაშვილმა პარიზის ოლიმპიადის პრიზიორები უმაღლეს სახელმწიფო ჯილდოებზე წარადგინეს. საქართველოს ოლიმპიურმა ნაკრებმა 2024 წლის ოლიმპიურ თამაშებზე 3 ოქროს, 3 ვერცხლის და 1 ბრინჯაოს მედალი მოიპოვა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
წმინდა გიორგის სახელობის გამარჯვების ორდენზე წარდგენილი არიან ოლიმპიური ჩემპიონები:
- ძალოსანი ლაშა ტალახაძე, სამგზის ოლიმპიური, შვიდგზის მსოფლიოს და შვიდგზის ევროპის ჩემპიონი;
- ძიუდოისტი ლაშა ბექაური, ორგზის ოლიმპიური ჩემპიონი;
- თავისუფალი სტილით მოჭიდავე გენო პეტრიაშვილი, სამივე სინჯის ოლიმპიური მედლის მფლობელი, მსოფლიოს სამგზის და ევროპის ორგზის ჩემპიონი.
ღირსების ორდენზე წარდგენილი არიან ოლიმპიური პრიზიორები:
- ძიუდოისტი ტატო გრიგალაშვილი, ოლიმპიური ვიცე-ჩემპიონი, სამგზის მსოფლიოს და სამგზის ევროპის ჩემპიონი;
- ძიუდოისტი ილია სულამანიძე, ოლიმპიური ვიცე-ჩემპიონი, მსოფლიოს და ევროპის ჩემპიონატების მრავალგზის პრიზიორი;
- თავისუფალი სტილით მოჭიდავე გივი მაჭარაშვილი, ოლიმპიური ვიცე-ჩემპიონი, მსოფლიოს ჩემპიონატების ორგზის პრიზიორი, ორგზის ევროპის ჩემპიონი;
- მოკრივე ლაშა გურული, ოლიმპიადის ბრინჯაოს პრიზიორი, მსოფლიოს და ევროპის ჩემპიონატების მრავალგზის პრიზიორი.
„საქართველოს სახელმწიფო ჯილდოებისა და პრემიების შესახებ“კანონის თანახმად, აღნიშნული სახელმწიფო ჯილდოებით პირს აჯილდოებს პრეზიდენტი საკუთარი ინიციატივით, პარლამენტის თავმჯდომარესთან და პრემიერ-მინისტრთან შეთანხმებით, აგრეთვე პარლამენტის თავმჯდომარისა და პრემიერ-მინისტრის ერთობლივი წარდგინების საფუძველზე. ამის მიუხედავად, ირაკლი კობახიძისა და შალვა პაპუაშვილის ერთობლივ განცხადებაში პრეზიდენტი სალომე ზურაბიშვილი ნახსენები არ არის.
