რუსეთის პრეზიდენტის ადმინისტრაციის უფროსის პირველმა მოადგილემ, სერგეი კირიენკომ, რომელიც ოკუპირებული აფხაზეთის კურატორად დაინიშნა, აცხადებს, რომ სოხუმის აეროპორტში რეგულარული ფრენები პირველი მაისიდან დაიწყება.
ახალი ამბები
მკითხველის რჩეული
- 1 ზურაბ ჯაფარიძე დააპატიმრეს „ქართული ოცნების“ კომისიაში გამოუცხადებლობის გამო
- 2 2024 წელს საქართველოში რეკორდული რაოდენობის ჩინური კომპანია დარეგისტრირდა
- 3 ნენსკრას, ხუდონის, ნამახვანის ჰესების მიმართულებით მუშაობა დაწყებულია - კობახიძე
- 4 ტრამპი ყაველაშვილს დამოუკიდებლობის დღეს ულოცავს - ყაველაშვილის პრესსამსახური
- 5 „ქართული ოცნების“ დროშის დაწვის შემდეგ აქციის მონაწილე უჩა ქემაშვილი დააკავეს
- 6 კრიტიკული არხების ცენზურა - „ქართული ოცნება“ ტვ პირველს და ფორმულას უჩივის
„მას შემდეგ, რაც აეროპორტის ყველა სისტემის ქმედუნარიანობა პირველი სატესტო რეისით შემოწმდა, ახლა ჩვენ გვაქვს სრული დადასტურება და აბსოლუტური რწმენა, რომ სოხუმის აეროპორტში რეგულარული საჰაერო მიმოსვლა შეიძლება 1-ელი მაისიდან დაიწყოს“, - განაცხადა კირიენკომ რუსეთის სახელმწიფო ტელეარხის ეთერში.
მოსკოვის ვნუკოვოს აეროპორტიდან სოხუმის ე.წ. საერთაშორისო აეროპორტში სატესტო ფრენა 7 თებერვალს განხორციელდა, დღეს, 27 თებერვალს კი აეროპორტმა რუსეთის საგანგებო სიტუაციების სამინისტროს „ილ-76“-ის სპეციალური რეისი მიიღო.
კირიენკოს თქმით, სპეცრეისი აფხაზი ექიმების და ჯანდაცვის სამინისტროს თხოვნით შესრულდა, რათა ბავშვები და ასაკოვანი პაციენტები, დახმარების აღმოსაჩენად რუსეთის კლინიკებში გადაეყვანათ.
სოხუმის აეროპორტი, რომელიც სოხუმიდან 18 კილომეტრში, სოფელ ბაბუშარაში მდებარეობს, 1993 წლის შემდეგ დახურული იყო. მისი აღდგენის შესახებ ე.წ. შეთანხმება რუსეთისა და დე ფაქტო აფხაზეთის მთავრობებს შორის 2023 წელს გაფორმდა. აეროპორტს შპს „ინფრასტრუქტურული განვითარება“ აღადგენს, რომელსაც ის 49 წლით, სარგებლობის უფლებით გადაეცა. ხელშეკრულების მიხედვით, აეროპორტი ინარჩუნებს ორმაგი დანიშნულების სტატუსს.
„ქართული ოცნების“ ხელისუფლება სოხუმის აეროპორტში ავიარეისების განახლების საკითხს არ გამოხმაურებია.
