ლაგოდეხის მუნიციპალიტეტის სოფელ კაბალში 23 წლის ქალი მოიტაცეს. შემთხვევა გუშინ, 28 ივლისს, საღამოს საათებში მოხდა. სამეთვალყურეო კამერების ჩანაწერში ჩანს, რომ ქალი რამდენიმე ადამიანმა ქუჩიდან გაიტაცა ავტომობილით, სადაც ის მისი ნების საწინააღმდეგოდ ჩასვეს.
ახალი ამბები
მკითხველის რჩეული
- 1 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 2 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 3 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 4 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 5 Meta ფაქტების გადამოწმების პროგრამას წყვეტს
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
როგორც „საქართველოს ამბებს“ ადგილობრივებმა უთხრეს, თელავში ავტომობილი მიტოვებული ნახეს. ქალის ადგილსამყოფელი ამ დრომდე დადგენილი არ არის.
შინაგან საქმეთა სამინისტროში აცხადებენ, რომ პოლიციამ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს და 2-დან 4 წლამდე ვადით თავისუფლების აღკვეთას ითვალისწინებს. იგივე ქმედება ჩადენილი წინასწარი შეთანხმებით ჯგუფის მიერ 4-დან 10 წლამდე პატიმრობით ისჯება.
ადგილობრივების თქმით, ახალგაზრდა ქალი სტუდენტია და თბილისში ერთ-ერთ უნივერსიტეტში სწავლობს.
