ლატვიამ პერსონა ნონ გრატად საქართველოს კიდევ 55 მოქალაქე გამოაცხადა. ამის შესახებ ქვეყნის საგარეო საქმეთა მინისტრმა, ბაიბა ბრაჟემ პლატფორმა X-ზე დაწერა.
ახალი ამბები
მკითხველის რჩეული
- 1 Nestle-მ ჩვილ ბავშვთა საკვების ნაწილი გაყიდვებიდან ამოიღო ტოქსინის გამო
- 2 კადიროვმა თავისი 20 წლის ვაჟი, ახმატი, ჩეჩნეთის ვიცე-პრემიერად დანიშნა
- 3 ოთარ ფარცხალაძე ბიზნესმენ ლევან ჯანგველაძის მკვლელობის ორგანიზებაშია ბრალდებული
- 4 იკვეთება ახალი, მრავალპოლუსიანი მსოფლიოს კონტურები – პაპუაშვილი
- 5 ტრამპის გადაწყვეტილებით, აშშ 66 საერთაშორისო ორგანიზაციას ტოვებს
- 6 ლილუაშვილმა სასამართლოში დავა მოუგო ოპოზიციურ არხებს, რომლებიც ქოლცენტრებთან კავშირში ამხელდნენ
„მივიღე გადაწყეტილება, საიმიგრაციო კანონის 61-ე მუხლის მეორე ნაწილის თანახმად, საქართველოს დამატებით 55 მოქალაქე შევიყვანო არასასურველ პირთა სიაში. ამ პირებს ლატვიაში შესვლაზე შეზღუდვა განუსაზღვრელი ვადით დაუწესდათ“, - წერს ლატვიის საგარეო საქმეთა მინისტრი.
ბაიბა ბრაჟეს ეს გადაწყვეტილება წინ უსწრებს ევროკავშირის წევრი სახელმწიფოების საგარეო მინისტრების შეხვედრას. ხვალ, 15 ივლისს, ბრიუსელში საგარეო საქმეთა საბჭოს სხდომა გაიმართება, სადაც სხვა საკითხებთან ერთად საქართველოში არსებულ ვითარებაზეც იმსჯელებენ. საგარეო საქმეთა მინისტრები „ქართული ოცნების“ მზარდ რეპრესიებზე საპასუხოდ შესაძლო ზომებს განიხილავენ.
2024 წლის დეკემბრიდან მოყოლებული ლატვიამ, ლიეტუვამ და ესტონეთმა საქართველოს ათობით მოქალაქეს დაუწესეს სავიზო შეზღუდვა. სანქცირებულთა შორის არის „ქართული ოცნების“ ლიდერები, არალეგიტიმური პარლამენტის წევრები, მოსამართლეები, პროკურორები და პოლიციელები.
ლატვიის საგარეო საქმეთა სამინისტრომ სანქცირებულ პირთა სია არც ამჯერად გამოაქვეყნა.
