„ქართული ოცნების“ პრემიერ-მინისტრის, ირაკლი კობახიძის 11 ნიოემბრის ბრძანებით, ლერი ბარნაბიშვილი ფინანსთა მინისტრის მოადგილის თანამდებობიდან გათავისუფლდა. სამინისტროში აცხადებენ, რომ ბარნაბიშვილმა პოსტი „პირადი განცხადების საფუძველზე“ დატოვა.
ახალი ამბები
მკითხველის რჩეული
- 1 ზახაროვა: რუსეთის წყალობით საქართველო ეკონომიკის ზრდის რეკორდულ ტემპს აჩვენებს
- 2 ლავროვი: „3+3“ ფორმატში საქართველოსთვის კარი ღიაა
- 3 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
- 4 მიხეილ ყაველაშვილმა ნათლისღებასთან დაკავშირებით 159 მსჯავრდებული შეიწყალა
- 5 „ოცნება“ გრანტების კანონს კიდევ ამკაცრებს და 6 წლამდე პატიმრობა შემოაქვს
- 6 კალაძე შენობების ფასადების „ვანდალურად მოხატვისთვის“ კანონის გამკაცრებას ითხოვს
ბოლო პერიოდში, მთავრობის ადმინისტრაციის ვებ-გვერდზე საკადრო ცვლილებების შესახებ ირაკლი კობახიძის რამდენიმე ბრძანება გამოქვეყნდა:
- იუსტიციის მინისტრის მოადგილის თანამდებობიდან გათავისუფლდა ირაკლი ხმალაძე;
- შინაგან საქმეთა მინისტროს მოადგილის თანამდებობიდან გათავისუფლდა გიორგი ბუთხუზი;
- კულტურის მინისტრის მოადგილის თანამდებობიდან გათავისუფლდა ბექა დავითულიანი. ის თბილისის საკრებულოს თავმჯდომარის პირველ მოადგილედ გადაიყვანეს.
ლერი ბარნაბიშვილი ფინანსთა მინისტრის მოადგილედ 2024 წლის მარტში, კობახიძემ დანიშნა. იქამდე, 2021 წლიდან სამი წლის განმავლობაში, ირაკლი ღარიბაშვილის პრემიერობის დროს, ის მთავრობის ადმინისტრაციის რეგიონებთან ურთიერთობის დეპარტამენტის უფროსის თანამდებობას იკავებდა.
2020 წელს ლერი ბარნაბიშვილი ლევან სამხარაულის სახელობის სასამართლო ექსპერტიზის ეროვნულ ბიუროს ხელმძღვანელობდა, 2015-2019 წლებში ფინანსთა მინისტრის მოადგილის თანამდებობას იკავებდა, ხოლო 2013-2015 წლებში ფინანსთა სამინისტროს საგამოძიებო სამსახურის უფროსის მოადგილე იყო.
