საფრანგეთის პრეზიდენტმა ემანუელ მაკრონმა, გერმანიის კანცლერმა ოლაფ შოლცმა და პოლონეთის პრემიერ-მინისტრმა დონალდ ტუსკმა ერთობლივ განცხადებაში გამოხატეს შეშფოთება საქართველოში არსებული პოლიტიკური ვითარების გამო. ამის შესახებ ინფორმაციას სააგენტო Reuters-ი აქვეყნებს.
ახალი ამბები
მკითხველის რჩეული
- 1 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 5 სტიკერის გაკვრაზე მზია ამაღლობელი მეორედ გაასამართლეს და 1000 ლარით დააჯარიმეს
- 6 მანდატურზე თავდასხმის ბრალდებით დააკავეს აქტივისტი ნინო დათაშვილი
ვაიმარის სამკუთხედის წევრი ქვეყნების ლიდერები აცხადებენ, რომ ისინი ვერ დაუჭერენ მხარს საქართველოსთან ევროკავშირში გაწევრიანებაზე მოლაპარაკებების დაწყებას, თუ ქვეყანა რეფორმებს არ გაატარებს.
„სანამ საქართველო არ შეცვლის თავის ამჟამინდელ კურსს და არ გამოავლენს ხელშესახები რეფორმების ძალისხმევას, განსაკუთრებით იმ ბოლოდროინდელი კანონის გაუქმებით, რომელიც ევროპულ ღირებულებებსა და პრინციპებს ეწინააღმდეგება, ჩვენ ვერ შევძლებთ საქართველოსთან გაწევრიანების მოლაპარაკებების გახსნას მხარი დავუჭიროთ“, - განაცხადეს ლიდერებმა.
განცხადება უნგრეთის დედაქალაქ ბუდაპეშტში ევროპის პოლიტიკური გაერთიანების სამიტის დაწყებამდე გამოქვეყნდა. ხუთშაბათს და პარასკევს, სამიტზე 50-მდე ქვეყნის ლიდერი შეიკრიბება, რომელთა შორის საქართველოს პრემიერ-მინისტრი ირაკლი კობახიძეც არის.
30 ოქტომბერს, ევროკომისიამ გამოაქვეყნა ყოველწლიური გაფართოების პაკეტი, რომელიც ევროკავშირში გაწევრიანების გზაზე ათი ქვეყნის, მათ შორის, საქართველოს პროგრესს აფასებს. ევროკომისია აცხადებს, რომ საქართველოს გაწევრიანების პროცესი, მისი მთავრობის ქმედებების გამო, დე ფაქტო შეჩერებულია და არ გაუწევს რეკომენდაციას საქართველოსთან გაწევრიანებიაზე მოლაპარაკებების დაწყებას, თუ ქვეყანა კურსს არ შეიცვლის.
