ხაშურის რაიონულმა სასამართლომ ცხრამუხის დედათა მონასტერში 70 წლის მონაზვნის ჯგუფურად, განსაკუთრებული სისასტიკით გაუპატიურებასა და ყაჩაღობაში ბრალდებულ ორ პირს 20-20 წლით თავისუფლების აღკვეთა მიუსაჯა. განაჩენი მოსამართლე მევლუდ ხათაშვილმა გამოაცხადა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
საქმის მასალების მიხედვით, 2022 წლის 25 ნოემბერს, სოფელ ცხრამუხაში მდებარე ეკლესიის საცხოვრებელ კელიაში ორი პირი მონაზონს თავს დაესხა. მათ მონაზონს ფიზიკური შეურაცხყოფა მიაყენეს და ძალადობით, ჯგუფურად გააუპატიურეს. ამის შემდეგ თავდამსხმელებმა ეკლესიიდან შესაწირი ყუთები გაიტაცეს და მიიმალნენ.
26 ნოემბერს პოლიციამ 1995 წელს დაბადებული ლ.ტ. და 1983 წელს დაბადებული ვ.გ დააკავა. პროკურატურამ მათ ბრალი სისხლის სამართლის კოდექსის 137-ე (გაუპატიურება, ჩადენილი ჯგუფურად, დაზარალებულის მიმართ განსაკუთრებული სისასტიკით) და 179-ე (ყაჩაღობა ჩადენილი ჯგუფურად, საცხოვრებელ კელიაში უკანონო შეღწევით) წარუდგინა, რაც სასჯელის სახედ და ზომად 15-დან 20 წლამდე ან უვადო თავისუფლების აღკვეთას ითვალისწინებს.
ორივე მსჯავრდებული წარსულში ნასამართლევია.
